Алифт ҿыцқәа ҩажәи хҧа ықәыргылахоит Аҟәа ақалақь аҩнеихагылақәа рҿы.

15.09.2017
242

Алифт ҿыцқәа ҩажәи хҧа ықәыргылахоит Аҟәа ақалақь аҩнеихагылақәа рҿы.  Уи абзоурахеит Урыстәыла Аҧсны иазыҟанаҵо афинанстә цхыраара. Уажәазы иааргахьеит иқәдыргылараны иҟоу реиҳарак. Мышқәак рышьҭахь аилахәыра «Аҧснылифт» аусзуҩцәа  аҩныеихагылақәа рҿы  алифтқәа рыҧсахра иалагоит.
Ҩнызқьи жәашықәса раахыс Аҟәа иҟоу  аҩнеихагылақәа рҿы ирыҧсаххьеит хынҩажәа лифт рҟынӡа.

Аинвестициатә программа аҳәаақәа ирҭагӡаны, ҳазҭоу ашықәс инаркны ҩнызқьи зеижә шықәсанӡа  хаҭала Аҟәа ақалақь аҩныеихагылақәа  рҿы иқәыргылахоит даҽа хынҩажәа лифт. Уажәазы иааганы ишьҭоу алифтқәа Урыстәылатәи Афедерациа Карачаравтәи амеханикатә зауад аҟынтәи ауп ишааго. Ажәытә лифтқәа аҿыцқәа рыла рыҧсахраан, аҩнеихагылақәа рынхаҩцәа маҷк ачҳара аадырҧшыр акәхоит, избанзар, лифтк ақәыргыларазы мызкыи бжаки рҟынӡа аамҭа аҭаххоит.

Аилахәыра «Аҧснылифт” аиҳабы Ҭемыр Ҷкотуа иажәақәа рыла,  алифтқәа рықәыргыларазы иаҭахыу аусурақәа анымҩаҧыргалак ашьҭахь, аҿыц аҭаргылара иалагоит. Ари ижәбо  аҧҳәыс, абыжьбатәи аихагылаҿы дынхоит. Лықәрахь дахьнеихьо азы ,илцәыуадаҩуп шьапыла албаареи ахалареи. Убри азы еиҳарак лифтла ауп дшеиҭанеиааиуа. Деигәырҕьоит аҿыц ықәдыргылараны иахьыҟоу.
Уажәазы планла иарбоуп ҩажәи хҧа лифт рыҧсахра, аха урҭ рхыҧхьаӡара иҵегь еиҳахар алшоит. Жә-еихагылак змоу аҩны аҿы лифтк ақәыргылара ҩ-миллионк мааҭ иаҧсахоит. Урҭ ахьықәдыргыло аҭыҧгьы ус баша иалхӡам.

Алифтқәа рыҧсахра знапы алаку руаӡәык Акапиталтә ргылара аусбарҭа аиҳабы ихаҭыҧуаҩ Асҭамыр Џьыкырба иажәақәа рыла, Аҟәа ақалақь аҿы мацара акәӡам алифтқәа рыҧсахра ахьымҩаҧысуа. Аҧсны егьырҭ араионқәа рҿы иҟоу аҩныеихагылақәа рҟынгьы асеиҧш аусурақәа мҩаҧыргоит.
Аҩнеихагылақәа рҿы инхо ауааҧсыра ҳанрыҿцәажәоз ирҳәон, алифт ахархәараҟны, зегьы иахәҭоу аҧҟарақәа ирықәныҟалар, урҭ акыр шықәса рымаҵ шауло..

Наала Чхьынџьериаҧҳа, Ельдар Дамиров, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ианвар 2018
113
17 Ианвар 2018
109
Аҭыжьымҭаҿы: Иаарту аицәажәара. Аҧсны ахадеи Гагра арион активи реиҧылара.
17 Ианвар 2018
97
Аҧсуа ҳәынҭқарратә аҿартә театр актиорцәеи уи ақәыргылаҩцәеи аспектакль аус адулараан ирҧылоз ауадаҩрақә ртəы иазааҭгылеит апресс-конференциаҿы.
17 Ианвар 2018
98
Абиуџьети , ашәахтәи, акредити рзы аилак имҩаҧнагаз аиҧылара иалахәын аусдкылаҩцәа.
17 Ианвар 2018
87
Уи инақәыршәаны Аҧсны атәылауаа зегьы ҩышә-нызқь рҟынӡа аҧара кредитла иргартә алшара роуеит .
17 Ианвар 2018
108
Гагра имҩаҧысит атәыла Ахадеи, аиҳабыреи, Жәлар реизара адепутатцәеи, ауаажәларреи злахәыз аизара.
16 Ианвар 2018
136
Загрузка плеера
Алаҳәарақәеи адныҳәаларақәеи
АГТРК