«Амшынеиқәафымцамч» иҳараку афымца мҩанызго ацәаҳәақәа нызкыло ашьаҟақәеи ацәаҳәақәеи рыҧсахра хацдыркит Тҟәарчал араион аҟны.

15.09.2017
230

Аунитартә наплакы «Амшынеиқәафымцамч» иҳараку афымца мҩанызго ацәаҳәақәа нызкыло ашьаҟақәеи ацәаҳәақәеи рыҧсахра хацдыркит Тҟәарчал араион аҟны.

Тҟәарчал араион иаҵанакуеит жәохә қыҭа. Урҭ рхыҧхьаӡараҟны иҟоуп ақыҭақәа афымцамҩангагатә цәаҳәақәеи ашьаҟақәеи кыр шықәса раахыс иахьыҧсахым. Амшцәгьақәа раан  ауааҧсыра ауадаҩрақәа рҧылон, икаҳауаз ашьаҟақәа ирыхҟьаны. «Амшынеиқәафымцамч» ахарџь ала Тҟәарчал араион аҟны ихацыркын ашьаҟақәеи афымцамҩангагатә цәаҳәақәеи рыҧсахра. Уажәтәи аамҭазы аусурақәа цоит  Ацхыда аҳаблан. Аҳабла иаҵанакуа Наџьхьоу амҩаду аҟны иргылан иҳараку афымца мҩанызго ацәаҳәақәа нызкыло жәаф шьаҟа. Аусурақәа ирыцҵоуп уи аҳабла Тото Аршба ихьӡ зху амҩаду аҟны. Уи амҩаду Агəыбедиа ақыҭанӡа инаӡоит. Иааидкылан иарсхоит ҩажәа шьаҟа иназынаҧшуа.

Араион афымцастанциа аусбарҭа ахаҭарнакцәа ражәақәа рыла, аиҭашьақәыргыларатә усурақәа рзы иахәҭоу  аматериал ала еиқәыршәоуп, уадаҩрақәак  рызцәырҵуазар,  иҟәаҧа-ҿаҧароу аҭыҧқәа ирыхҟьоит.Ацхыда аҳаблан аусурақәа хыркәшахоит мчыбжьык аҩныҵҟа.

Аунитартә наплакы «Амшынеиқәафымцамч» аусурақәа ирыцнаҵоит  Тҟәарчал араион егьырҭ ақыҭақәеи аҳаблақәеи рҟны.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
101
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
99
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
111
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
219
14 Февраль 2018
207
Загрузка плеера
Алаҳәарақәеи адныҳәаларақәеи
АГТРК