Иван Папасқьыр ихьӡ зху амилаҭтә библиотека аҿы имҩаҧысит ҩ-шәҟәык рӡыргара.

15.09.2017
431

Иван Папасқьыр ихьӡ зху амилаҭтә библиотека аҿы имҩаҧысит ҩ-шәҟәык рӡыргара; абиблиографиатә жәар «Аҧсуа шәҟәыҩҩцәа», Аҧсны апоетцәа ҿарацәа рҩымҭақәа еидызкыло аизга «Ашацкыра».

Русумҭа ӡырыргеит абиблиографиатә жәар авторцәа - Аҧсны ашәҟәыҩҩцәа реидгыла ахантәаҩы Вахтанг Аҧҳазоуи афилологиатә ҭҵаарадыррақәа рдоктор Виачеслав Бигәааи. 

Аҭыжьымҭаҿ иаарҧшуп Аҧсны ашәҟәыҩҩцәа рырҿиаратә еидҵа аҭоурыхи, амилаҭтә литература аҿиара зқьи жәшәи ҩажәатәи ашықәсқәа рзы, иара убас Аҧснытәи ашәҟәыҩҩцәа рнысымҩақәа. Аҧсны Аҭҵаарадыррақәа Ракадемиа ахада Зураб Џьапуа иазгәеиҭеит, аҭыжьымҭа « Аҧсуа шәҟәыҩҩцәа» Аҧснытәи аҳәынҭқарратә университети, аҭҵаарадыррақәа ракадемиеи рзы ишыцхыраагӡоу аҧсуа литература аҭоурых иазкыу апроектқәа раҧҵара аан. Авторцәа Вахтанг Аҧҳазоуи Виачеслав Бигәааи русура алҵшәа бзиақәа аанашьҭит, - иҳәеит Зураб Џьапуа.

Виачеслав Бигәаа иажәақәа рыла, аҧсуа шәҟәыҩҩцәәа рбиографиа здырырц зҭаху рзы, ари ашәҟәы аинтерес аҵоуп. Ахәылҧаз аҟны иӡырган аҩбатәи ашәҟәы, - Аҧсны апоетцәа ҿарацәа русумҭақәа реизга «Ашацкыра» ахҧатәи аҭыжьымҭа. Аизга еиқәлыршәеит Заира Ҭҳаиҵыкәҧҳа. Урҭ тиражла хышә цыра ыҟоуп. Ашәҟәыҩҩы еиҭалҳәоит лгәы ишҭоу иаарласны аҧшьбатәи аизга аҭыжьра. Ашәҟəқәа рӡыргара иазкыз ахәылҧаз иалахәыз апоет Анатоли Лагәлаа иазгәеиҭеит, ҳаҧсуа литературатә доуҳазы арҭ аҩ-шәҟәкгьы акры зҵазкуа ракәны ишыҟоу. Урҭ аҿар рааӡараҟны ишымҩақәҵагоу. 

Ахәлҧаз ахырқәшамҭаз еизаз рнапаҿы ирыҭан апоетцәа ҿарацәа русумҭақәа реизга «Ашацкыра». 

 Аманда Ҧониаҧҳа, Беслан Чхиндџьериа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
51
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
152
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
100
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
142
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК