Бырзентәыла имҩаҧысуаз ахы иақәиҭны аиқәҧаразы ақәыҧшцәа рыбжьара адунеи ачемпионат аҟны актәи аҭыҧ ааникылеит Гәдоуҭатәи аспортсмен Инар Кьетиа.

15.09.2017
231

Мышқәак раҧхьа Бырзентәыла имҩаҧысуаз ахы иақәиҭны аиқәҧаразы ақәыҧшцәа рыбжьара адунеи ачемпионат аҟны актәи аҭыҧ ааникылеит Гәдоуҭатәи аспортсмен Инар Кьетиа. Уажәы иара аҩны дыҟоуп.
Ачемпион иҧыларц Урыстәылеи Аҧсныи рҳәаа ашҟа инеит ауааҧсыра маҷымкәа. Урҭ рхыҧхьаӡараҿы иҟан Инар иеиҧш ари аспорт хкы знапы алаку аҿар рҭынхацәа, аспорт абзиабаҩцәа. Урҭ зегьы хаҭала идырныҳәаларц рҭахын аспортсмен қәыҧш ииааира ду.

Иааџьоушьаратәы ақәҿиара бзиа ааирҧшит ҳаспортсмен. Уи афинал ахь днеиаанӡа, аҧыжәара ду иманы дызҧылоз зегьы дыриааит. Афинал аҟынгьы иара 10:0 ҳәа дииааит Иапониа ахаҭарнак.

Инар Кьетиа ииаира ихәҭа ҕәҕәа алоуп еирцырдыруа азыҟаҵаҩ Ӡука Бениа. Иазгәаҭатәуп, абасҵәҟьа ҩажәи жәохә шықәса раҧхьа иара дшиҧылоз усҟан адуцәа рыбжьара Европа иачемпионхаз Рашь Хәытаба. Азыҟаҵаҩ игәырҕьара ҳәаак амамызт.

Ачемпион имҩа хан аҩныҟа – Гәдоуҭаҟа. Аха уахь дааӡаанӡа аангылара иқәшәеит Хыҧсҭа ақыҭан. Абраҟа амҩа аҿықәан иара изыҧшын ҩбаҟа сааҭ раҧхьа рурокқәа ишрылгахьазгьы, Хыҧсҭатәи ашкол аҵаҩцәа. Абри ашкол Инар даушьҭымҭоуп.

Гәдоуҭа ақалақь агәангьы Инар изыҧшын. Араҟа иара идныҳәалеит араион анапхгара ахаҭарнакцәа, аҿар. Инар ашәҭқәа шьҭеиҵеит ақалақь агәҭа игылоу, иҭахаз рбаҟа амҵан. Инар иигаз аиааира идиныҳәаларц арахь дааит, аибашьра аветеран, аҧсуа спортсмен хьӡырҳәага Денис Царгәыш иаб Игор Царгәыш
Иазгәаҭатәуп, Инар ацхыраара бзиа шииҭо Жәларбжьаратәи аидҵа «Алашара» ахада Мусса Екзеков. Иара ҳаниҿцәажәоз иҳәеит, Инар иҟынтәи иара дшазыҧшу аолимпиатә ҩаӡара ашҟа анеира. Ҳаргьы уи агәра ҳгоит.

Енвер Арџьениа. Адамыр Џьениа,АТ





Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ноиабр 2017
105
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
20 Ноиабр 2017
185
1992 шықәса, ноиабр 20 рзы Атәылахьчара аминистрра аҟны еиҿкаан аҳәаахьчаҩцәа ргәыҧ.
17 Ноиабр 2017
126
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
119
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
125
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
145
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
Загрузка плеера
Алаҳәарақәеи адныҳәаларақәеи
АГТРК