Сентиабр жәаф, 1993 шықәсазы Цагьара ахы ақәиҭтәразы ажәылара еиҿкаан.

18.09.2017
416

Иааигәахоит аиааира амшныҳәа. Ҩажәи ҧшьба шықәса раҧхьа, арҭ амшқәа рзы мрагыларатәи мраҭашәаратәи афронтқәа рҟны аибашьра ҕәҕәа цон. Сентиабр жәаф, 1993 шықәсазы Цагьара ахы ақәиҭтәразы ажәылара еиҿкаан. Убри аан иҭахеит жәаҩа-ҩык Аҧсны Афырхацәа.

Рҩызцәа урҭ ргәаладыршәарц, ианҭахаз амш аҽны Цагьара ақыҭан еиқәшәеит агуҧ «Аҧсны» аибашьцәа. Сентиабр мза 1993 шықәса. Аҧсуа ар лассы-лассы ажәыларақәа мҩаҧыргон Аҧсны ақырҭуа мпыҵахалаҩ иҟнытә ахы ақәиҭтәразы. Сентиабр жәаф рзы Цагьара ақыҭа ахақәиҭтәразы имҩаҧгаз аҽазышәара иалахәын 130- ҩык рҟынӡа аибашьцәа – Лашькьындараа , Ҕәадаа, , Кәтолтәи агәыҧқәа . 

Аҧсуа еибашьцәа изқәымгәыҕуаз аҿагылара роуит, аиҿахысра ҕәҕәа ҟалеит. Аҕа џьаҧҳанылеи техникалеи ибзианы деиқәшәан. Агәымшәаразы амедал занашьоу Илларион Герхьелиа игәалаиршәоит урҭ амшқәа. Аиааира аҽнынӡа ҩымчыбжьа бжьан, аха ҳаҧсуа еибашьцәа уи макьаны ирыздырӡомызт. Уажәазы дара рҿаҧхьа иқәгылаз адҵа анагӡара рцәыуадаҩхеит. Ари ажәылараан иҭахеит жәаҩа-ҩык. Урҭ руаӡәык, Ибрагим Матуа, сентиабр жәохә рзы ихыҵит 19 шықәса, адырҩаҽны иара дҭахеит. Џьамбул Воуба, Аркади Чачхалиа, Азнаур Џьынџьал, Заур Ҧсардиа, Заур Сақаниа, Ерик Осиа, Ниазбеи Шармаҭ, Гарик Бебиа, Руслан Ес-оглы, Отар Мерцхәылаа, Гена Санӡаа. Дара иахьагьы рыҧсы ҭоушәа иргәаладыршәон рҩызцәа. Урҭ ҳара есымша ҳааигәара иҟоуп, ҳаҧсы ахьынӡаҭоу иаҳхашҭрангьы ҳаҟам - рҳәон аибашьцәа. 

Иахьа еиқәшәаз ааибашьцәа ражәақәа рыла,Лашькьындар агаразы ажәылара акыр ихьанҭан. Араҟа дара ироуит ацәыӡ дуқәа. 

 Ирина Аршҧҳа Артур Каландиа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ноиабр 2017
95
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
20 Ноиабр 2017
167
1992 шықәса, ноиабр 20 рзы Атәылахьчара аминистрра аҟны еиҿкаан аҳәаахьчаҩцәа ргәыҧ.
17 Ноиабр 2017
124
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
115
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
120
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
143
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
Загрузка плеера
Алаҳәарақәеи адныҳәаларақәеи
АГТРК