Аестрадатә театр «Ажәа» раҧхьатәи ақәгылара мҩаҧысит.

18.09.2017
631

Аестрадатә театр «Ажәа» раҧхьатәи ақәгылара мҩаҧысит.  Аҳәынҭқарратә бызшәатә политиказы  аилак аҩныҵҟа иаҧҵоу актиорцәа ргәыҧ абзоурала, ахәыҷқәа идырбан аҧсуа лакәқәа ирылхны иҟаҵоу иҿыцу ақәыргыламҭақәа.  Урҭ раҧхьатәи рцәырҵра шымҩаҧысыз атәы ҳкоресспондентцәа ранҵамҭаҿы.

Аҳәынҭқарратә бызшәатә политиказы  Аҧсны аҳәынҭқарратә еилакы апроект «Аестрада атеатр» актиорцәа раҧхьаӡа акәны ахәаҧшцәа хәыҷқәа рзы ҧсышәала ицәажәо алакә ҿыц ықәдыргылеит. Ажәлар рҿаҧыцтә ҳәамҭақәа исахьаркны бызшәа цқьала ахәыҷқәа ирызназгоз аҧсуа драматә театр актиорцәеи, аҿартә театр аҟазацәеи ракәын. Арепертуар аҿы иҟоуп аҧсуа фольклор аҟынтә иаагоу алакәқәеи афырхаҵаратә ҳәамҭақәеи.

«Лакә-лакә сышнеиуаз…» апроект аиҿкаараз ахшыҩҵак рызцәырҵит абызшәатә политиказы аилаки, атеатр иадҳәалоу, хаҭала ари ақәыргыламҭа асахьаркыратә наҧхгаҩыс иамоу  Аҧсны зҧасазтәыз артист Роман Сабуеи. Дара рҽеимаданы акыр аамҭа иазхәыцуан иаҳа еиҕьны ахәыҷқәа рызнагара шалыршатәу. Аҵыхәтәан акыр аамҭатәи русура иалҵшәаны ицәыргахеит алакәқәа рыла ишьақәгылоу апроект ҿыц.

«Лакә лакә сышнеиуаз» ҳәа хьӡыс измоу ахәыҷқәа ирызку апрограмма шьақәгылоуп хә-қәыргыламҭак рыла.  Хықәкысгьы  иамоуп абызшәа аиқәырхареи арҿиареи, изызҳауа абиҧарақәа рхатәы бызшәа абзиабара рылаӡаара. Уи асценахь ацәыргаразы, актиорцәа  ҧсшьарак ҟамҵакәа рҽазыҟарҵон.  Абжьааҧны урҭ ахәаҧшцәа еиҳабацәа рҿаҧхьа рҟазара аадырҧшуазҭгьы, уажәазы рбаҩхатәра ахә зшьараны иҟаз  ахәыҷқәа ракәхеит.  

Аҧсуа жәлар рҿаҧыцтә  ҳәамҭақәа аазырҧшуа ақәыргыламҭақәа ҩынҩажәи хәба минуҭ ирҭагӡаны еиҿкаауп, ахәыҷқәа амырааҧсарц азы. Урҭгьы рыхшыҩ азышьҭны иахәаҧшуан.
Аестрадатә театр «Ажәа»» агәыҧ алахәылацәа рыбзоурала хәыда ҧсада ахәыҷқәа ирзеиҿкааз агәырҕьара Аҧсны егьырҭ араионқәа зегьы рҿы ирыцҵахоит. Ҽааны еиҿкаахоит иҿыцу апрограмма, уахь иалалоит егьырҭ аҧсуа жәлар рҳәамҭақәагьы.

Наала Чхьынџьериаҧҳа, Ҭемыр Гогохьиа,  АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Илахҿыху ақәыргыламҭақәа, акәашареи ашәаҳәареи, иара убас ҭагалан аныҳәа иазкны аҧсуа чысқәа - узыршанхаша рацәан.
5
Атуристтә форум раҧхьаӡа акәны иалахәуп Шьамтәылантәи аделегациа.
11
Аҭыжьымҭаҿы: Акурорттә сезон  аихшьаалақәа рзы. Аҧсны  Ахада  дидикылеит акурортқәеи атуризми рзы    аминистр.
19
Борис  Гәыргәылиа ишәҟәы ахҧатәи атоми , иара иҷкәын изку  ашҟәы  «Абзагәи ».
16
Ҟрымтәи асасцәа рныҟәара хацдыркит  Аҟәатәи  ахшаалыҵ зауад ала.  
Алаҳәарақәеи адныҳәаларақәеи
АГТРК