Изыхҟьозеи агәаранқәа рышьақәгылара атәанчахәы анроуа амш аҽны?

19.09.2017
131

Амза жәаа, атәанчахәы анроуа амш аҽны аҵәахырҭатә банк аҟәшақәа рҿы атәанчаҩцәа рхыҧхьаӡара рацәоуп . Уи аҽны абанкоматқәа рҿы агәаранқәа шьақәгылоит. Уи аиҳарак изыхҟьо абанк аҿы аҧара аҟамзаара акәӡам, ауааҧсыра аҧара иахьаргәаҟуа ауп, рҳәоит абанк аусзуҩцәа .

 Аҧсны иҟоуп 50 нызықь ҩык атәанчаҩцәа, урҭ рахьтә ҩынҩажәи аанызықьҩык аҧара акарта ала ироуеит. Атәанчаҩцәа аҧара ахьамырхуа абанкомтқәа ракәзар, Аҧсны ақалақьқәеи араионқәеи рҿы иҟоуп шә-цырак, урҭ рахьтә ҩынҩажәа Аҟәа ақалақь аҿы аус руеит . Ус шакəугьы, есымза атәанчаҩцәа рҧара анамырхуа агәаранқәа шьақәгылоит, аиҳаракгьы ауааҧсыра рхыҧхьаӡара рацәоуп актәи амшазы. Атәанчаҩцәа ирҳәоит аҧара иахьаргәаҟуа азы ирласны ироурц шырҭаху, убри азы аҧшра шрықәшәо . 

 Иахьатәи амш азы ҳҭыхратә гәыҧ зҭааз аҵәахырҭатә банк аҟәшақәа рҿы атәанчаҩцәа рхыҧхьаӡара рацәамызт. Урҭ ирыхәҭаз рҧара уадаҩрада рнапаҿы ирырҭон . Атәанчаҩцәа ирҧыло ауадаҩрақәа ируакуп абанкомат ахархәашьа ахьырзымдыруа , аҧара ианыуҭахха ианыузамымх уи рыцҳароуп, рҳәон атәанчаҩцәа. Аҭыхрақәа мҩаҧаҳгонаҵы, атәанчаҩцәа аҧара рыҭара шымҩаҧысуа, агәаран ыҟоу иҟаму, ибарц азы аҵәахырҭатә банк аҟәша даҭааит Амилаҭтә банк аиҳабы Беслан Бараҭелиа. Иара иҳәеит, иахьазы атәанчаҩцәа ааины абанкомат аҧара ҭамкəа ишыҟамло, инҵәацыҧхьаӡа ишхадырҭәаауа.

Абанк аусзуҩцәа ирҳәоит, аҧхьатәи амш азы ауаа рхыҧхьаӡара рацәазаргьы , аҩбатәи амшаз еиҳа ишмаҷу ирыдҵаало зегьы рҧарақәа шрырҭо атәы . Мызкы иалагаӡаны атәанчаҩцәа ирзоурыжьуеит ҧшьышә миллион мааҭ аҧра . Дара аҧхьатәи амшқәа рзы иамырхуеит 50-80 миллион мааҭ инарзынаҧшуа аҧара. Иахьатәи аамҭазы , абанкқәа рганахь ала ауадаҩрақәа ыҟам, атәанчаҩцәа аҵәахырҭатә банк аҟәшақәа рҿы рхыҧхьаӡара зырацәо аҧара аиура иахьахыццакуа ауп. 

 Фатима Гьергьиаҧҳа, Ҭемыр Гогохьиа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Ноиабр 2017
19
17 Ноиабр 2017
83
Аҭыжьымҭаҿы:Зыргылара иаҿу аобиектқәа ргәаҭаразы. Усутә визитла Аҧсны даҭааит Лев Кузнецов.

17 Ноиабр 2017
85
Гиви Аиба ҩынҩажәа шықәса инарзынаҧшуа Аҟәатәи аботаниктә баҳча напхгара аиҭон.
17 Ноиабр 2017
78
Уи хықәкыс иамоуп Аҧсни Нхыҵ –Кавкази еидызкыло азеиҧш культуратә аинформациатә , агуманитартә қәыҧшылара арҕәҕәара амеханизмқәа аус рыдулара .
17 Ноиабр 2017
96
Уи хациркит Басараиа имҩаду аҿы иҟоу аҩнеихагылақәа фба рҿы иқәдыргылаз алифтқәа русушьа агәаҭара ала.
17 Ноиабр 2017
73
Аҳәынҭқарратә ҳәааҿы иара диҧылеит Аҧыза-министр Беслан Барцыц.
16 Ноиабр 2017
170
Аҭыжьымҭаҿы:Акаҭа ахаҧеит. Лыхны ақыҭан икыуп аҩнатә ҧсаатә ҭаха рызымҭоз агыгшәыг.
Загрузка плеера
Алаҳәарақәеи адныҳәаларақәеи
АГТРК