Август 29 ауха илеиз ақәаршҩы иахҟьаны, аҧхасҭа аиуит Гәдоуҭа араион аҿы иҟоу

19.09.2017
113

Сынтәа, август 29 ауха илеиз ақәаршҩы иахҟьаны, аҧхасҭа аиуит Гәдоуҭа араион аҿы иҟоу Амшын Еиқәа акалмаҳа ааӡарҭа аҩбатәи аҭыҧ.

Амшцәгьа акыр аҧхасҭа анаҭеит ари анхамҩа. Быжьшә- метр ҧшьыркца инареиҳаны изҵазкуа аҧсыӡ ааӡарҭа аҩарӡ хыҵны иаҵалеит. Иҧсит ҩышәи ҩынҩажәи жәаба нызқь акалмаҳа ҧсыӡ. Иааидкыланы иугозар ҧарала, уи ахарџь иартәоит аа- миллион мааҭ инарыцны. 

Уажәы анхамҩаҿ аиҭашьақәргыларатә усурақәа шамахамзар ихдыркәшахьеит. Идрыцқьоит алықь зҭалаз аҧсыӡ ааӡарҭақәа.Иҳәатәуп, араҟа рхала акалмаҳа ҧсыӡ шхырхуа, уаанӡа Урыстәылантәи иааргозҭгьы. Ари анхамҩа анапхгаҩцәа аҭыҧ ргеит қьырала . Убри аахыс ирааӡоит акалмаҳаҧсыӡ. Кьылала иугозар, быжьба ааба шықәса зхыҵуа акалмаҳа акы фба- быжьба кьыла рҟынӡа инаӡоит. Анхамҩаҿы еихшоуп аҧсыӡааӡарҭақәа. Избанзар зыкапан дууи, ахәыҷқәеи џьарак еицҭоуҵар ҟалаӡом. Дара -дара еибафоит.

Иҳәатәуп , убасгьы, амшцәгьа ашьҭахь аҧсыӡ ааӡарҭақәа ррыцқьараҿы акыр ацхыраара шыҟарҵаз Бармышьааи Оҭҳарааи. Амшцәгьа ашьҭахь ақыҭанхамҩа аминистрра акомиссиа аҧнаҵеит иҟоу ахарџь ашьақәыргыларазы. Анхамҩа акалмаҳааӡарҭа анапхгара ргәы карыжьӡом. Рхала еиҭашьақәдыргылоит аҧсыӡааӡарҭа. Аха иаҳҳәап, ашәахтә иршәо ҧшьба- хәба мза иаанкылазар , иаразнак ршьапы иқәгылон. Дара еилыркаауеит аҳәынҭқарра ацхыраара рнаҭартә еиҧш уажәы аҭагылазаашьа шамам. Аха дара рхала рымч еизхоит. Акалмаҳа ҧсыӡқәа ирҿарҵо афатә уаанӡа Голландиантәи иааргозҭгьы , уажәы Очамчыратәи анаплакы аҟнытә ироуеит. Амала уаҟа иҭрыжьуа афатә ашәагаа маҷуп. Убас шакəугьы макьана рхала рымчқәа еиздырхоит.

Гәдоуҭа араион Амшынеиқәа акалмаҳа ааӡарҭа иахьа аус ауеит , амшцәгьақәа ирыхҟьаны иаиуаз аҧхасҭа иахәамҧшыкәа. Асеиҧш анхамҩақәа ареспубликаҿы рхыҧхьаӡара иазҳар, аекономика ашьҭыҵра иацымхраауазар, иаҧырхагаӡам. 

Д. Инаҧшьба, А. Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ноиабр 2017
80
Аҭыжьымҭаҿы:Афестиваль « КУНАКИ»   аусура  хнаркəшеит, аха  агран – при  занаршьаша   аусумҭа  ҳәа  акагьы  рзалымхит.
21 Ноиабр 2017
67
Сынтәатәи афестиваль аҿы иалкаан ф-фильмк. Убри аан, сынтəа агран-при алкаамызт.
21 Ноиабр 2017
72
Уи азкуп археорлог-кавказҭҵааҩ МихаилҬраҧшь и-шәышықәсхыҵра .
21 Ноиабр 2017
47
Ирылацәажәон Аҧсны инхо Урыстәыла атәылауаа амедицинатә ҧгаҧса рыҭарарзы аиқәшаҳаҭра анагӡашьа азҵаарақәа.
21 Ноиабр 2017
60
Ирылацəажəеит Санкт- Петербург имҩаҧысыз жәларбжьаратәи акультуратә форум алҵшәақәа.
20 Ноиабр 2017
121
Аҭыжьымҭаҿы:Иҵит ҩажәи хәба шықәса Аҧсны аҳәынҭқарратә шәарҭадаратә маҵзура аҳәаахьчаҩцәа ргәыҧ аҧҵоижьҭеи.
Загрузка плеера
Алаҳәарақәеи адныҳәаларақәеи
АГТРК