Усуратә визитла Аҧсны иаҭааны иҟоуп Урыстәыла афедералтә еизара Афедерациа ахеилак аделегациа.

20.09.2017
531

Усуратә визитла Аҧсны иаҭааны иҟоуп Урыстәыла афедералтә еизара афедерациа ахеилак аделегациа. Урҭ раара хықәкы хадас иамоуп Аҧсны Жәлар реизара ааҧхьара ҿыц адепутатцәеи дареи аҧхьаҟатәи русеицура алацәажәара.

Урыстәылантәи Аҧсны иаҭааны иҟоу аделегациа раҧхьа идикылеит Аҧсны Жәлар Реизара аиҳабы Валери Кәарҷиа. Асасцәа иазгәарҭон, изныкымкәа Аҧсны ишаҭаахьаз. Уажәтәи раарагьы гәахәарыла ишрыдыркылаз. Урҭ хаҭала реибадырра ашьҭахь, иалагеит Аҧсны Жәлар Реизара адепутатцәеи Урыстәылантәи асасцәеи злахәыз аусуратә еилатәара. Ирылацәажәеит имаҷымкәа азҵаарақәа. 

Урыстәыла Афедерациа ахеилак аҿы иҟоу Ахьчареи ашәарҭадареи реилак ахаҭарнакцәа ирҳәеит, русура аҳәаақәа ирҭагӡаны ишацклаҧшло абыжьбатәи арратә базеи Аҧсны аҳәаа зыхьчо Урыстәылатәи аҳәаахьчаҩцәа рҭагылазаашьеи. Иара убасгьы асасцәа ишьҭырхыз азҵаара хадақәа иреиуан Нхыҵ-Кавкази Урыстәылеи рҟынтәи ауааҧсыра ҳтәылаҿы еиҭамҵуа амазара аахәара шырҭаху. 

Жәлар Реизара адепутат Баҭал Табагәуа, уи азҵаара иадҳәаланы игәаанагара иҳәеит, ҳтәылаҿы аекономикатә ҭагылазаашьа маҷк иахьыуадаҩу иахҟьаны, ари азҵаара алацәажәара макьана изаацәоуп, ҳәа азгәеиҭеит адепутат. Анаҩстәи азҵаара азкын аҭыҧантәи ауааҧсыреи аҧсшьаҩцәеи Аҧсны аҳәаа рахысра иахьынӡалшо арманшәалара.. Иазгәаҭатәуп, Урыстәыла Афедералтә еизара аҟны иаҧҵоу афедерациа ахеилак асенаторцәеи Аҧсны жәлар реизара адепутатцәеи аус шеицыруа ҩнызқьи ааба шықәса раахыс. 

 Наала Чхьынџьериаҧҳа, Алексеи Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
37
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
13
Аусмҩаҧгатә рхы аладырхәит ашәҟәыҩҩцәа, ауаажәларратә усзуҩцәа, астудентцәа, ашколхəыҷқəа.
13
Ааигәа ақаҭран ақәҵара хыркәшан Алашарбага аҳаблеи Алада Ешыреи еимаздо амҩеи, Имам Шамиль имҩеи.
13
Акциа зҽалазырхәуа зегьы аизара иалагоит Самсон Ҷанба ихьӡ зху Аҧсуа драматә театр  аҿаҧхьа.
13
Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК