«Аексперименталтә паталогиеи атерапиеи рыҭҵаарадырратә институт - 90 шықәса Иацы. Иахьа.Уаҵәы.».

20.09.2017
583

«Аексперименталтә паталогиеи атерапиеи рыҭҵаарадырратә институт - 90 шықәса Иацы. Иахьа.Уаҵәы.». Абас ахьӡуп, Аҟәа ацәыргақәҵатә зал хадаҿы иаартыз афотоцәыргақәҵа. 

Аексперименталтә паталогиеи атерапиеи рыҭҵаарадырратә институт аиубилеи иазкны еиҿкаау ари афотоцәыргақәҵаҿ улаҧш рыдхалоит зхатә ҭоурых змоу афотосахьақәа. Дара зегь ҟаҵан еиуеиҧшым аамҭақәа рзы. 

Ари ацәыргақәҵа еиднакылеит иҳаҩсыз ашәышықәса ҩажәижәабатәи ашықәсқәа инадыркны иахьанӡа аинститут иамоу аҭоурых беиа зныҧшуа афотосахьақәа. Ицәыргақәҵоу адокументалтә, асахьаркыратә ҭыхымҭақәа аагоуп Аексперименталтә паталогиеи атерапиеи рыҭҵаарадырратә институт амузеии, аинститут аусзуҩцәеи, иара убас афотоҭыхҩы Владимир Попови рархивқәа рҟынтәи. 

Иазгәаҭатәуп, афотосахьақәа рхыҧхьаӡараҿы ишыҟоу идырым авторцәа рҭыхымҭақәа. Ари ацәыргақәҵахь имҩахыҵыз азҿлымҳара ду аҭан ирыхәаҧшуан аинститут аҭоурых зныҧшуа афотосахьақәа. Нанҳәамза ҩажәи ҧшьба, зқьи жәшәи ҩажәи быжьба шықәса рзы Аҟәа еиҿкааз аҭҵаарадыратә институт аҭоурых ду амоуп. Иара иаҭаахьан хыҧхьаӡара рацәала аҳәаанырцәынтәи еицырдыруаз ауаа. Имҩаҧган имаҷымкәа аҵак ду змоу аҭҵаарақәа.

Сынтәа ҧшьынҩажәи жәаба шықәса зхыҵыз институт аҿиара амҩаҿы иҟан аҧынгылақәа рацәаны, убас шакәызгьы уи аусура аанкыламызт. Афотоцәыргақәҵа аҭааҩцәа рзы иаартызаауеит ҳазну амза ҩажәи ҩбанӡа. 

Амра Зарандиаҧҳа, Ҭемыр Гогохьиа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
9
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
31
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
37
Уи абзоуроуп аилахәыра «Аҟәафон » иҟанаҵаз афинанстә цхыраара .
Алаҳәарақәеи адныҳәаларақәеи
АГТРК