Очамчыра арион Кындыҕ ақыҭаҿы зыргылара иаҿу ауҭраҭых ааӡарҭатә наплакы ахыркәшарахь инеиит.

20.09.2017
606

Аинвестициатә программа аҳәаақәа ирҭагӡаны Очамчыра арион Кындыҕ ақыҭаҿы зыргылара иаҿу ауҭраҭых ааӡарҭатә наплакы ахыркәшарахь инеиит. Абҵарамзазы уи аартра ргәы иҭоуп.

Аргыларатә усурақәа ахьынӡанеихьоу ибарц азы ари ауҭраҭых ааӡарҭатә ҭыҧ даҭааит Аекономика аминистр Адгəыр Арӡынба. 

Шықәсык ҵуеит Кындыҕ ақыҭаҿы зхаҭабзиара ҳараку европатәи ашәага-загақәа ирықәшәо ауҭраҭых ааӡарҭатә ҭыҧ аргылара иаҿуижьҭеи . Иара адгьыл ҵакыра ҧшь-гектарк инарзынаҧшуа иҟоуп, аргыларақәа ракəзар рыхәҭак хыркәшоуп, ари ижәбо арҧхарҭаҿы сынтәа ирааӡараны иҟоуп апамидор , раҧхьатәи аҽаҩра иазыҧшуп ианар мзазы. 

Зҭакҧхықәра ҳәаақәҵоу «Кындыҕ Агро» адиректор Алик Коҕониа иажәақәа рыла, ас еиҧш иҟоу арҧхарҭа урыстәылагьы иуҧылом. Ҳара ҳхықәкы зхаҭабзиара ҳараку аалыҵ аарыхра ауп, - иҳәеит иара. Раҧхьа ҧшьынҩажәижәаба нызқь инареиҳаны апомидор еиҭаҳатәқәа Голландиантәи Аҧсныҟа иаагахоит , анаҩстәи ашықәсқәа рзы уи аҭыҧаны ирааӡалоит. Араҟа иҟалоит хынҩажәа усурҭатә ҭыҧ .

Аекономика аминистр Адгәыр Арӡынба изеиҭаҳәан апомидор ааӡара шымҩаҧысуа, ирбан техникоу зықәыргылара иаҿу ртәы. Аминистр иҳәеит, ари апроект Очамчыра араион азы амҽхак шыҭбаау. Ауааҧсыра усурҭала ишеиқәнаршәо.

Аекономика Аминистр Адгур Арӡынба иҳәеит, аҧхьаҟа егьырҭ Аҧсны араионқәа рҿы ас еиҧш апроектқәа рхацыркразы Аҧсныи Урыстәылеи реиҳабырақәа рыбжьара аицәажәарақәа шцо атәы. «Ҳраионқәа шьҭыхлатәуп, аиҧш зеиҧшу анаплакқәа раион цыҧхьаӡа ианыҟала, уи краҵанакуеит»- иҳәеит иара. Ауҭраҭых ааӡарҭатә наплакаҿы аргыларатә усурақәа хыркәшахоит ҳазну амза нҵәаанӡа, цәыббрамзазы уи аартра азгәаҭоуп.

Фатима Гьергьиа , Беслан Џьынџьал ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
163
Аҭыжьымҭаҿы:Данҭаха ашьҭахь ҩажәи хәба шықәса рнаҩс. Ахьӡ-аҧша апарк аҿы анышә дамардеит Аҧсны Афырхаҵа Ирина Гоцериӡе.
165
Аҟәа араион Иашҭхәа ақыҭан инхо ауааҧсыра хымыз инареиҳаны ӡыда иҟан, аӡынашьҭыгақәа ахьыблыз иахҟьаны.
53
Аусурақәа мҩаҧнагон аҳәынҭқарратә еилахәыра «Аҧснымашьынамҩа».
Алаҳәарақәеи адныҳәаларақәеи
АГТРК