Аҧсуа драматә театр ҧшьынҩажәи быжьбатәи асезон аартын Самсон Ҷанба раҧьаӡатәи идрама «Амҳаџьырцәа» ала.

20.09.2017
466

Аҧсуа драматә театр ҧшьынҩажәи быжьбатәи асезон аартын Самсон Ҷанба раҧьаӡатәи идрама «Амҳаџьырцәа» ала. Ари апиеса иаднаҧхьалеит ахәаҧшыҩцәа рацәаны.

Самсон Ҷанба раҧхьаӡатәи аҧсуа драма «Амҳаџьырқәа» аҧиҵеит зқьи жәшәи ҩажәа шықәсазы. Ашәҟәыҩҩы ихьыӡ зху аҧсуа ҳәынҭқарратә драматә театр аҟны, абар ҩышықәсоуп ақәгыларақәа рсезон аадыртуеижьҭеи «Амҳаџьырқәа» ала. Актк ала ишьақәгылоу ари аспектакль алагоит Анцәа адгьылқәа анишоз, Аҧсынтәыла аҧсуаа ишрыҧсадгьылхаз алегенда ала.

Апиесаҟны иаарҧшуп Кавказ азеижәтәи ашәышықәса алагамҭаз. Усҟан, зегьы ишаадыруа еиҧш, аполитикатә мзызқәа ирыхҟьаны аҧсуаа рыҧсадгьыл иахцаны Ҭырқәтәылаҟа амҳаџьырра идәықәҵан. Ари аамҭа, хымҧада, Аҧсны аҭоурых аҟны даҟьа еиқәаҵәаны ианхалеит.

 Ақәыргыламҭа арежиссиор Алхас Шамба игәаанагарала, аспектакль «Амҳаџьырқәа» аҟны иаарҧшу апроблема актуалра амоуп ҳазҭагылоу аамҭазгьы. «Амҳаџьырқәа» - ари баша қәыргыламҭам. Сааҭк инеиҳаны ицо апиеса ахәаҧшҩы дианагоит зқьи аашәи хынҩажәи ҧшьбатәи ашықәсқәа рахь. 

Актиорцәа рҟазара иабзоураны, ахәаҧшҩы игәаҵаҟынӡа инагоуп аҧсуа жәлар ирхыргаз агәырҩа, шаҟа рыцҳарыла рыҧсадгьыл иахыгаз. Атәым жәҩан аҵаҟа инхар акәхеит, рыҧсадгьыл иазхьаауа. Ҳандан Папҧҳа амҳаџьырқәа дырхылҵшьҭроуп. Абар хышықәсоуп лара лыҧсадгьыл ахь дхынҳәиижьҭеи. Ҳандан илҳәеит, лҩызцәеи лареи рылаҕырӡқәа шрызнымкылоз.

Самсон Ҷанба ихьыӡ зху Аҧсуа драматә театр аҟны «Амҳаџьырқәа» раҧхьаӡа акәны иқәыргылан зқьи жәшәи ҩажәи ааба шықәсазы. Хымҧада ,ари аспектакль иреиҕьӡоу аҵак ду змоу атеатр ақәыргыламҭақәа ирхыҧхьаӡалоуп. Аҧсуа театр агәҭакқәа рацәоуп. Иаарлсаны иқәдыргыланы иҟоуп аспектакль ҿыцқәа ҩба. Насгьы, ишытрадициа бзиахаз еиҧш, ашықәс ҿыц аламҭалаз Аҧсуа драматә театр ахәыҷқәа рзы иазнархиоит алакә ҿыцқәа. 

Н.Ақаҩба, Л.Адлеиба, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Февраль 2018
63
Аҭыжьымҭаҿы:Имҩаҧысит Жәлар реизара асессиа изаамҭанытәым аилатәара.
19 Февраль 2018
45
Иара еиҿкаан АҞәа иҟоу «Москва аҩни» араион ахадареи рымч ала.
19 Февраль 2018
65
Иазгәаҭаны ирымоуп х-километрак рҟынӡа амҩа аҟаҵара.
19 Февраль 2018
48
Ааҧынтәи асессиа актәи аилатәараҿы Аконституциатә усӡбарҭа ахәбатәи аӡбаҩыс далхын Алиса Бигәаа.
16 Февраль 2018
110
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
100
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
Загрузка плеера
Алаҳәарақәеи адныҳәаларақәеи
АГТРК