Аҧсныи Урыстәылеи ртәылахьчара аминистррақәа ирыбжьоу аиқәшаҳаҭра анагӡара иацҵоуп.

21.09.2017
682

Аҧсныи Урыстәылеи ртәылахьчара аминистррақәа ирыбжьоу аиқәшаҳаҭра анагӡара иацҵоуп. Иахьа аҧсуа аруаа ирыҭан « Урал» захьӡу автомашьынақәа жәаба. 

Аҧсныи Урыстәылеи астратегиатә усеицуреи, аиҩызареи рзы ирыбжьоу аиқәшаҳаҭра ду аҳәаақәа ирҭагӡаны, анапы рыҵаҩын имаҷымкәа аусбарҭа бжьаратә шәҟәқәа. Уи инақәыршәаны ауп Урыстәыла Атәылахьчара аминистрра Аҧснытәи ар автомашьынақәа зрырҭаз. Ари раҧхьатәи шьаҿоуп. 

Автомашьынақәа рыҭарахь ииасаанӡа иарҳәан Аҧсныи Урыстәылеи рҳәынҭқарратә гимнқәа. Рамзес Небиев, Урыстәыла Атәылахьчара аминистрра аладатәи арратә округ акомандаҟаҵаҩ ихаҭыҧуаҩ иқәгылараҿы иҳәеи,т ҩ- ҳәынҭқаррак рыруаа русеицура ишацҵахо ҳаҧхьаҟагьы. Иахьатәи ахҭыс раҧхьатәи шьаҿаны ишыҟоу.


Урыстәыла Атәылахьчара аминистр идҵа инақәыршәаны, Аҧсны аруаа хәҩык иранашьан арратә еиҩызара арҕәҕәаразы амедалқәа. Иури Иасносокерскии, аамҭала Урыстәыла ахаҭарнакс Аҧсны иҟоу иазгәеиҭеит, уажәтәи ахҭыс ҩ-ныҳәак раҳасабала ахәаҧшра шаҭахыу. Избанзар иахьа Урыстәыла иазгәарҭоит арратә хьӡыҧша амш. Ари аҽны ауп Куликовтәи аидысларақәа раан аурысқәа аиааира аныргаз. Иури Иасносокерскии убасгьы иҳәеит, Аҧсныи Урыстәылеи ирыбжьоу аиқәшаҳаҭрақәа қәҿиарала рынагӡара ишаҿу. 

Анаҩс Урыстәылатәи арратә машьынарныҟәцаҩцәа ацаҧхақәа рырҭеит Аҧснытәи рҩызцәа. Арратә мал Аҧсны атәылахьчара аминистрра аҭара иаҳнарбоит, ҳреспублика ашәарҭадара шарҕәҕәо , ҳәа азгәеиҭеит атәыла ахада ихаҭыҧуаҩ Витали Габниа иқәгылараҿы. Иазгәеиҭеит, ҩ- ҳәынҭқаррак рыбжьара аиқәшаҳаҭрақәа ҩажәи хҧа аратификациа шрызуу. 

Урыстәыла арратә машьынақәа Аҧсны атәылахьчара аминистрра аҭара иаҳнарбоит, арратә усеицура аҽшарҭбаауа, иҳәеит ашәарҭадаратә хеилак амаӡаныҟәгаҩ Муҳаммад Кьылба. Аҧсны Атәылахьчара аминистр актәи ихаҭыҧуаҩ, Арбџьармчқәа рыштаб хада аиҳабы Анатоли Хрулиов Урыстәыла арратә напхгара иҭабуп ҳәа реиҳәеит иҟарҵо ацхырааразы.

 Д.Инаҧшьба, А. Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15
Иарбан қәыргыламҭақәоу аҳҭнықалақь атеатрқәа ирыдыргало?
11
Дырмит Гәлиа ихьӡ зху Аҧсуаҭҵааратә институт аҟны имҩаҧысит апоет ирҿиара иазкыз аҭҵаарадырратә конференциа.
13
Араион аҟны иҟоу аиҭакрақәа ауаҩы еиҳа илаҧш иҵашәоит ақалақь агәаны.
16
Аҟәатәи аџьармыкьа хадаҿы аныҳәа аламҭалазтәи аҭагылазаашьа зеиҧшроу еилыркаауан ҳкорреспондентцәа.
Алаҳәарақәеи адныҳәаларақәеи
АГТРК