Ауаажәларратә палата .

21.09.2017
623

Ауаажәларратә палата аҟны имҩаҧысит Аҧсны аџьынџьтәылатә еибашьра аинвалидцәа рассоциациеи,  агәабзиарахьчара аминистрреи, апарламенти  рхаҭарнакцәа злахәыз инеиҵыху аилатәара. Ирылацәажәон аветеранцәа -  аинвалидцәа   ацхыраара    рзыҟаҵара    азҵаара.  

Аилатәара иалахәыз зегьы  раҧхьа иргыланы иазгәарҭеит,  хадара злоу - аџьынџьтәылатә еибашьра аинвалидцәа аҧаратә цхыраагӡа ианаамҭоу рызшәареи, зыда ҧсыхәа ыҟам хәшәыла реиқәыршәареи шракәу. Ари азҵаара уажәы ишьҭыхын, избан акәзар,  аҵыхәтәантәи аамҭақәа рзы аинвалидцәа хәшәыла реиқәыршәараҿы аиҧҟьарақәа  ыҟан. Иҳаҩсыз амзқәа рзы ироураны  иҟаз ахәшәқәа уажәоуп рыҭара аналыршахаз.

Убри азы  аилатәара иалахәыз зегьы еицҿакны ирҳәеит, ас еиҧш иҟоу апроблема иаарласны  аӡбара  шаҭаху. Иааидкыланы аибашьра аинвалидцәа рхыҧхьаӡара ҩ-  нызқьҩык  инареиҳыны иҟоуп, аха  Ауаажәларратә палата ахаҭарнакцәа излазгәарҭаз ала,  Аҧсны аџьынџьтәылатә еибашьра аинвалидцәа рсиа еиҭахәаҧштәуп. Избан акәзар, иҟоуп агәаанагара, џьоукы-џьоукы аибашьра аинвалид ҳәа  иақәнагамкәа  ашәҟәқәа  ҟаҵаны измоу.

Аилатәараҿы иара убас аибашьра аинвалидцәа рассоциациа алахәылацәа ажәалагала ҟарҵеит, Аҧсны апарламент аҟны аинвалидцәа ринтересқәа зыхьчо ахаҭарнак дыҟазарц. Аха уи ауаажәларратә палата алахәылацәа ақәшаҳаҭымхеит. Иара убас иазгәаҭан, аибашьра  аинвалидцәа шәҩык ацхыраара шырҭаху анаркотикатә  маҭәашьар злоу ахәшәқәа  рыҭаразы, аха уи агәынамӡара лызцәырнагеит апарламент адепутат Натали Смыр.Лара  лажәақәа рыла,  Аҧсны ирацәоуп ачымазаара бааҧсы зцәа иалоу ,  ацхыраара зҭаху ахәыҷқәа   ааныжьны,    аинвалидцәа ахәшә рзылҩаара   иашам ҳәа илыҧхьаӡоит.

Иара убас,  иқәыргылан егьырҭ азҵаарақәагьы. Урҭ рхыҧхьаӡараҿы иҟоуп аинвалидцәа ироуа атәанчахәы ашьҭыхра, Аҧсны анҭыҵ ахәышәтәразы рышьҭра , нхарҭатә ҭыҧла реиқәыршәара уҳәа  убас егьырҭгьы.
Аҧсны аџьынџьтәылатә еибашьра аинвалидцәа рыхәышәтәразы аҳәынҭқарра иаунажьуеит аҧара. Ҳазҭоу ашықәс азы  дара  ацхраара  рыҭара   иақәхарџьын ҩажәа миллион мааҭ инарзынаҧшуа.

Н.Ақаҩба, А.Гәажәба , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
7
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
5
Ари ашықәсазы аицлабраҿы иқәыргылан аноминациақәа ааба.
49
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК