Егрыи Ҧсоуи еимаздо автомашьынамҩа хада Ешыратәи ахәҭа аиҭашьақәыргылара иаҿуп.

21.09.2017
598

Амшцәгьақәа рышьҭахь Ҧсоуи Егрыи еимаздо амҩаду Аҩадатәи Ешыра ахәҭаҿы абгарақәа ҟалеит. Уажәы аҳәынҭқарратә еилахәыра «Аҧснымҩа» ахаҭарнакцәа аиҭашьақәыргыларатә усурақәа мҩаҧыргоит.

Аҩадатәи Ешыра иалсны ицоу амҩахада аарҕәҕәаразы ишьҭыхыз аҭӡамц хынҩажәа шықәса инареиҳаны иахыҵуеит. Аамҭа цацыҧхьаӡа, уи амчхара маҷхоит, аидара мҩанызго автомашьынақәа рныҟәара иахҟьаны, еиҳа еиҳа итәо иалагеит. 

Амшцәгьақәа раан абахә аҟынтәи илеиуаз аҩар адгьыл арҳәазеит. Уи акухеит, амҩагьы ҭабгеит. Иахьазы Аҩадатәи Ешыра амҩа ахәҭақәа хҧа рҟны аиҭашьақәыргыларатә усурақәа ирҿуп. Урҭ ирылагаанӡа адгьыл ахьынӡаҕәҕәаз еилыркаар акәын. 

АҲӘЫНҚАРРАТӘ ЕИЛАХӘЫРА «АҦСНЫМҨАРГЫЛАРА» аиҳабы ихаҭыҧуаҩ иажәақәа рыла, иҟаҵоу аус рацәоуп, аха раҧхьаҟа ишьҭоуп Аҩадатәи Ешыра амҩа ахәҭақәа хҧа рҟны аусурақәа рхыркəшара, нас Аҧсны егьырҭ амҩадуқәа рҿы ашәарҭара ахьыҟоу аусура ҳалагоит,»- иҳәеит Анатоли Аршба. 

Аиҭашьақәыргыларатә усурақәа иахьырҿу амҩа актәи ахәҭа аҟны акәзар, анхацәа рыдгьылқәа аҩар иҵнаӡәӡәааит. Уи иахҟьаны адгьыл ҿыпны ацара иалагеит. Уажәы аамҭала аҭӡамц дырҕәҕәоит. Аамҭақәак рышьҭахь, араҟа аргылара ргәы иҭоуп адгьыл аҳәазара аанызкыло аҭӡы. Ҩымыз ианареиҳаны иҵуеит араҟа аусурақәа мҩаҧыргоижьҭеи. Ҧынгылак ҟамлар, ноиабр мзазы урҭ хдыркəшараны иҟоуп . 

 Фатима Гьергьиаҧҳа- Саид Агәхаа, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21 Ииун 2018
67
Аҭыжьымҭаҿы:Избан амшын аҭалара зрыцҳарахаз?. Актулара злоу анҵамҭа.
21 Ииун 2018
35
Аҟәа иазгәарҭеит  Урыстәыла  Абжьаҟазаратә Мчқәа ҳтәыла  ралагалара амш.  
20 Ииун 2018
95
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
100
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
Загрузка плеера
Алаҳәарақәеи адныҳәаларақәеи
АГТРК