Абар мызкы еиҳауп Аҟәатәи ахш аалыҵ ҭыжьырҭа анаплакы аусура иалагеижьҭеи.

21.09.2017
466

Абар мызкы еиҳауп Аҟәатәи ахш аалыҵ ҭыжьырҭа анаплакы аусура иалагеижьҭеи. Араҟа иҭрыжьуа адәқьанқәа рышҟа идәықәырҵоит.

Анаплакы аус шауа еиликаауан аекономика аминистр Адгәыр Арӡынба. 2012 ш раахыс Урыстәылатәи Афедерациа афинанстә цхыраара абзоурала Аҟәатәи ахш аалыҵ ҭыжьырҭа анаплакы ахыбра еиҭарҿыцны иаахәан атехникатә мыругақәа . Аха ахыбра аҩныҵҟа аҭагылазаашьа уадаҩын. Иахьазы анаплакы аус ауртә иаҧҵоуп аҭагылазаашьақәа зегьы.

Араҟа иҭрыжьуа аалыҵ аҭирҭақәа рышҟа адәықәҵара иаҿуп. Аус руеит ҩажәи – жәафҩык. Уалафахәыс ироуеит ҩажәа- ҩажәи хәба нызқь мааҭ аҧара. Иазгәаҭатәуп, амыруга ҿыцқәа рыла аус зуа рзанааҭтә дыырра шыҳаракыу. Макьаназы араҟа иҭрыжьуеит асметана, иара убас ахырҵәы. Анаплакы атехнолог хада иажәақәа рыла, аҧхьаҟа ахшаалыҵқәа рхыҧхьаӡара иацло иалагоит ахҷаҭи, ахырҵәыӡҩеи, иара убас аҵааршәи рыла.

Аҧсны аекономика аминистр Адгәыр Арӡынба ишазгәеиҭаз ала, 2012 шықәса раахыс анаплакы аиҭашьақәыргылареи, атехникатә мыругақәеи рыла реиқәыршәареи ирықәхарџьын 120 миллион мааҭ аҧара. Иара иажәақәа рыла,араҟа иҭрыжьуа аалыҵ Аҧсны аҩныҵҟа аахәаҩцәа аиуеит, уи иамоу ахаҭабзиара иабзоураны. Анапалакы аҿы иҭрыжьуа ахш аалыҵ аахәаҩцәа рышҟа идәықәрҵаанӡа, ахаҭабзиара гәарҭоит алабаратоориаҿы.

Иахьазы Аҧсны аҩныҵҟа ицәыргоу ахшаалыҵқәа Урыстәыла иҭыжьуп, аха Аҟәатәи анаплакы аусзуҩцәа агәра ганы иҟоуп, аратәи аалыҵ аахәаҩцәа рацәаҩны ишаиуа азы. 

 Саид Џьарсалиа,Беслан Џьынџьал ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15
Урҭ еиқәыршәаны иаарҭиит амаҭәа ҭзыжьуаҬырқәтәылатәи анаплакқәа ааба.
9
Ари арыцхә инамаданы, Аҧсны Аҧыза- министр Валери Бганба идикылеит Ареспублика Аҳәынҭстатитсика аусбарҭа аусзуҩцәа.
31
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
37
Уи абзоуроуп аилахәыра «Аҟәафон » иҟанаҵаз афинанстә цхыраара .
Алаҳәарақәеи адныҳәаларақәеи
АГТРК