«Ҧсра зқәым архәҭа» акциа сынтәа имҩаҧгахоит Аҧсны араионқәа зегьы рҿы.

22.09.2017
449

Сынтәа ҩышықәсоуп Аиааира амш инақәыршәаны, «Ҧсра зқәым архәҭа» акциа мҩаҧыргоижьҭеи. Ҳкорреспондентцәа еилыркаауан хаҭала Аҟәа ақалақь аҿы акциа аусура анхацнаркуа, насгьы иахьынтәи алаго.

Шықәсык аҧхьа акциа аиҿкааҩцәа Аҧсны Аџьынџьтәылатә еибашьраан иуаҩыбжахаз рассоциациеи амобилтә еимадара А-мобаили ракәызҭгьы, сынтәа даҽа хеилакгьы ацлеит, В. Арӡынба ихьӡ зху аибашьратә фырхаҵара Ахьӡ-аҧша аҳәынҭқарратә музеи. «Ҧсра зқәым архәҭа» акциа ҵыҧх Аҧсны аҳҭнықалақь аҿы мацара акәын иахьымҩаҧысуаз, сынтәа аиҿкааҩцәа ирыӡбеит егьырҭ араионқәа руааҧсырагьы акциа  рхы аладырхәыртә еиҧш алшара рырҭарц. Уи иамҽханакыз араионқәа рҿы  акциа аусура анхацнаркуа  аамҭақәа еиҧшӡам, урҭ рпрограмма аплан иахәаҧшны ауп ишеиқәдыршәо. Аҟәа  акәзар, ауаа реизгара иалагоит амҳаџьырра рыҧшаҳәа жәлар реизара ахыбра азааигәара асааҭ жәаҩа рзы.

Ҵыҧхтәи акциа иалахәыз иҭахаз аибашьцәа рҭынхацәа рахь, аиҿкааҩцәа аҳәара ҟарҵоит, рыҩныҟақәа иргаз апортретқәа рыманы ҩаҧхьа акциа рхы аладырхәырц. Уи анхырқәшалак афотосахьақәа еиҭа рыҩныҟақәа иргар ауеит.  Раҧхьаӡа имҩаҧгаз акциаҿы ҩнызқьи ҩышәҩык иҭахаз аибашьцәа  рпортретқәа алахәын. Уажәазы арзаҳал алазҵаз еиҳамзар, еиҵам. Сынтәа иҭахаз аибашьцәа рҭынхацәа, адкыларҭатә пунктқәа рахь, цәыббра ҩажәанӡа афотосахьақәа ркьыҧхьразы иадҵаалар акәын. Шьҭа  цәыббра ҩажәи ҧшьба инаркны ҩажәи жәбанӡа урҭ ргаразы аҭагылазаашьа аҧҵоуп. Аиааира амш аҽны аиҿкаҩцәа ҵыҧх еиҧш  аибашьцәа рфотосахьақәа ршара иалагаӡом. Аха урҭ  ргара иахьымӡаз рпортретқәа бжьаӡӡом, иаанхо зегьы  ашколхәыҷқәеи, астудентцәеи ирыманы идәықәлоит.

Иҟалар алшоит уи аҩыза аҭыгылазаашьа, зфотосахьақәа араионқәа рҿы  ишьҭоу, аха Аҟәа зҽалазырхәыр зҭаххогьы, усҟан, аиҿкааҩцәа рахь шәрыдҵаалар шәылшоит, афотосахьа ҿыц иҭыхны ишәыдыргалоит. Мамзаргьы , шәхала, аформат А- ҧшьба ала иҭыхны шәхы алашәырхәыр ҟалоит.

Наала Чхьынџьериаҧҳа, Ельдар Дамиров, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
23
Уи абзоуроуп аилахәыра «Аҟәафон » иҟанаҵаз афинанстә цхыраара .
25
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
37
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
Алаҳәарақәеи адныҳәаларақәеи
АГТРК