Аҟәатәи аексперименталтә патологиеи атерапиеи рыҭҵаарадырратә институт 90- шықәса ахыҵра иазкыз аилатәара мҩаҧысит

22.09.2017
485

Аҟәатәи аексперименталтә патологиеи атерапиеи рыҭҵаарадырратә институт 90- шықәса ахыҵра иазкыз аилатәара мҩаҧысит . Уи далахәын Аҧсны Аҳәынҭқарра Ахада Рауль Ҳаџьымба. 

 1927 шықәса август азы СССР агәабзиарахьчара аминистр идҵала, Аҟәа иаартын амаамынааӡарҭа. Избанзар, аратәи аҳауа дара ирнаалон. Амаамынааӡарҭа аартра хықәкыс иаман амедицинатә ҧышәарақәа рымҩаҧгара, иҳәеит адунеи аҿы еицырдыруа аҵарауаҩ , академик, Аҧсны жәлар рџьынџьтәылатә еибашьра иалагаанӡа аинститут аиҳабыс иҟаз Борис Лапин. Иара уажәы Адлертәи амаамынааӡарҭа напхгара азиуеит, ишықәс шмаҷымгьы. Аҟәатәи амаамынааӡарҭа аҿы аинститут аадыртит 1958 шықәса рзы. Убри аахыс араҟа акымкәа ахәшәқәа зеиҧшроу гәарҭахьан, амаамынқәа ракәзар, акосмос ашҟа аҧырра иазыҟарҵон. 

 Аинститут анапхгареи, аусуцәеи аиубилеи рыдиныҳәалеит Аҧсны Аҳәынҭқарра Ахада Рауль Рауль Ҳаџьымба иазгәеиҭеит, аибашьра аинститут ааха ҕәҕәа шанаҭазгьы, Борис Лапин ицхыраарала уи шеиҭашьақәргылаз . Аинститут аҿы уажәгьы аҭҵаарадыррақәа мҩаҧыргоит Урыстәылатәи аинститутқәа рыҽрымаданы. Уи азы дара ирыбжьоуп аиқәшаҳаҭра. Аиубилиарцәа дрыдныҳәало академик Аҧснытәи аҳәынҭқарратә университет аректор Алеко Гәарамиа иазгәеиҭеит, апатологиеи атерапиеи Аҟәатәи ринститут анырра ҕәҕәа шамаз уаанӡа . Иахьа уи азырхынҳәра амҩа иануп. Иҳәеит, 1981 шықәсазы Борис Лапини иареи ридеиала ауниверситет аҟны ишаартыз акафедра. Иара напхгара азиуан Борис Лапин. Араҟа аҵара иалгеит хышә-ҩык инарыцны .

Иахьа дара аус руеит Аҧсны, Урыстәыла, Германиа, Бырзентәыла.Урҭ рахьтә ҩажәи- аӡәҩык адиссертациақәа рыхьчеит. Аиубилиарцәа рыхьӡала Аҟәаҟа изымааз Вашингтонынтәи Индонезиатәи аинститутқәа рхаҭарнакцәа адныҳәаларатә шәҟәқәа аарышьҭит. Аилатәараҿы Аҧснытәии Урыстәылатәии аҵарауаа иҟарҵеит адныҳәаларақәа. Иахьа аинститут напхгара азиуеит Зураб Амқәаб. Ари аҭҵаарадырратә центр ҳаҧхьаҟагьы аҧышәарақәа рымҩаҧгара аус иацнаҵоит. Аиубилеи иазкыу аҭҵаарадырратә конференциа хыркəшахоит иахьа. 

Д.Инаҧшьба, Алықьса Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
8
Аизара аҟны Аҧсны арратәи аполитикатәи ҧсҭазаараҿы зџьабаа акыр идууз, зыдунеи зыҧсаххьоу иранашьан "Аиааиразы"амедал.
47
Аҭыжьымҭаҿы:Аныҳәатә мшқәа рзы ашәарҭадара аиҿкааразы. Атәыла азинхьчаратә усбарҭақәа рхаҭарнакцәа абрифинг мҩаҧыргеит.
Алаҳәарақәеи адныҳәаларақәеи
АГТРК