«Амшынеиқәафымцамч» Гәылрыҧшьтәи афилиал, Агуӡера аҳаблаҿ, иажәыз афымцамҩангагатә цәаҳәақәеи ашьаҟақәеи рыҧсахра иаҿуп.

22.09.2017
780

Аҳәынҭқарратә унитартә наплакы «Амшынеиқәафымцамч» Гәылрыҧшьтәи афилиал, Агуӡера аҳабла, «Ботаника» ҳәа изышьҭоу аҭыҧ аҿы иажәыз афымцамҩангагатә цәаҳәақәеи ашьаҟақәеи рыҧсахра иаҿуп.

Гәылрыҧшь араион иахьаҵанакуа ари аҭыҧ аҿы акыр шықәса зхыҵуаз афымца мҩангага цәаҳәақәа аанызкыло ашьаҟақәеи ацәаҳәақәеи ахьажәхьаз иахҟьаны, ааигәа-сигәа инхо ауааҧсыра лассы-лассы афымца лашараз ауадаҩрақәа рызцәырҵуан. 

Убри аҟынтә иӡбан ари ахәҭаҿы аиҭашьақәыргыларатә усурақәа нап дыркра. Ари ахәҭаҿы иажәыз ашьаҟақәа хҧа аҿыцқәа рыла иҧсахын, иаҿуп иара убас афымцаеихшарҭа аҟынтәи иаауа хышә метра рҟынӡа ацәаҳәақәа зхаҭабзеира ҳараку рыла рыҧсахра. Араҟа инхо ауааҧсыра агәыҕра аадырҧшуеит аусурақәа рышьҭахь ироуа афымца лашара ахаҭабзиара еиҳа еиҕьхап ҳәа. 

 Амра Зарандиаҧҳа, Асҭамыр Гәажәба ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18
Убри аан аҧсыӡкыҩцәа уи иазышьақәргылоу аҧҟарақәа еиларго еиларымго хылаҧшра азыруеит
Алаҳәарақәеи адныҳәаларақәеи
АГТРК