Баслахәтәи абжьаратә школ аусура иалагеит.

25.09.2017
571

Баслахәтәи абжьаратә школ аусура иалагеит. Аиҭашьақәыргыларатә усурақәа ахьымҩаҧысуаз иахҟьаны ианаамҭаз аҵара изаламгеит. Дара нагӡан араион абиуџьет ахархәарала. Аҵаҩцәа дрыдныҳәалеит Аҧсны Ахада Рауль Ҳаџьымба.

Баслахәтәи абжьаратә школ ахыбра акыр шықәса ахыҵуеит. Аҭыӡқәа кыдыбганы икаҳауан, иҭаҧҽын адашьма. Убри иахҟьаны ауп сентиабр аказы аҵаҩцәа ашколахь изымцаз. Ахыбра аиҭашьақәыргылара аинвестициатә программа иалаӡамызт. Аха ашкол ашә амкырц азы араион анапхгара ирыӡбеит рхарџьала аиҭашьақәыргыларатә усурақәа мҩаҧыргарц. Иҳаҩсыз амчыбжь азы дара хыркəшан. 

Иахьа ашкол аусура иалагеит. Аҵаҩцәа дрыднҳәаларц Баслахәҟа днеит Аҧсны Ахада Рауль Ҳаџьымба. Иазгәаҭатәуп, аҵара зҭахыз ахәыҷқәа ргәырҕьара ҳәаак шамамыз. Ари амш дара рҽазыҟарҵеит ныҳәак аҳасабала. Арҵаҩцәеи аҵаҩцәеи дрыдныҳәало Аҧсны Ахада Рауль Ҳаџьымба иазгәеиҭеит, аҳәынҭқарра иалшо ала ҳаҧхьаҟагьы аҵара- ааӡара аҳаракыра ашьҭыхразы ирылшо зегьы шыҟарҵо. 

Ҷыҷыкәа Хьиба ихьӡ зху Баслахәтәи абжьаратә школ атрадициа бзиақәа аман. Шамахамзар арахь имҩахыҵхьан аҧсуа интеллигенциа рхаҭарнакцәа зегьы. Ашкол уажәтәи анапхгара дара рыцҵара рҽазыршәоит. Ақыҭа школ аиқәырхара иаанагоит аҧсуа қыҭақәа рыҧсҭазаара ацҵара. 

Д.Инаҧшьба, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Ари ацәыргақәҵаҿы асахьақәа ахәшьара рырҭон зҧышәа ҳараку асахьаҭыхҩцәа.
7
Урҭ рҟны еуеиҧшым атемақәа ирылацәажәон Аҧсныи Урыстәылеи рхаҭарнакцәа .
5
Ари ашықәсазы аицлабраҿы иқәыргылан аноминациақәа ааба.
49
Абарҭ азҵаарақәа ирызкын Ауаажәларатә палатаҿы имҩаҧгаз аилатәара .
Алаҳәарақәеи адныҳәаларақәеи
АГТРК