Аҧснытәи Аҳәынҭқарратә Университет аҿы имҩаҧысит Аҟәа ақалақь ахада, Аҧсны Афырхаҵа Адгәыр Ҳаразиеи астудентцәеи реиҧылара.

26.09.2017
571

Аҧснытәи Аҳәынҭқарратә Университет аҿы имҩаҧысит Аҟәа ақалақь ахада, Аҧсны Афырхаҵа  Адгәыр Ҳаразиеи астудентцәеи реиҧылара. Аиааира амш аламаҭалазы  аҳҭнықалақь ахада аҿар ирзеиҭеиҳәеит аибашьраантәи аҭоурыхқәа, насгьы дырзааҭгылеит аҭынч ҧсҭазаара аргылара ицәырнаго азҵаарақәа жәпакы.

Иаарту, аинтерес зҵоу аиҿцәажәара мҩаҧысит Аҧснытәи аҳәынҭқарратә университетаҿ. Зегь раҧхьаӡа иргылан Аҟәа ахақәиҭтәра амш аламҭалазы, Аҧсны Аџьынџьтәылатә еибашьра аветеран, Аҧсны Афырхаҵа, Аҟәа ақалақь ахада Адгәыр Ҳаразиа астудентцәа ирыдиныҳәалеит иаарласны иазгәаҳҭараны иҟоу Аиааира амшныҳәа, ирзеиҭеиҳәеит Аџьынџьтәылатәи еибашьра аҭоурых.

Ирацәан ари аиҧылараҿ аҿар зызҿлымҳаз азҵаарақәа. Иҟаҵатәузеи Аҧсны аекономика ашьҭыхразы, Аҟәа аинфраструктура аиҕьтәра, афымцалашара, аӡы, амҩақәа рҭагылазаашьа уҳәа- еиуеиҧшым азҵаарақәа иҭан Адгәыр Ҳаразиа.Абарҭ азҵаарақәа рыӡбаразы ари аганахьала аусқәа шцо ртәы иҳәеит ақалақь ахада.
Адгәыр Ҳаразиа иара убас иазгәеиҭеит, ауаа аӡхыҵрақәа раан аӡы рыҵамларц азы акәарақәа рӡыршьҭрақәа шырҭбаатәу.

Имаҷым ҩ-сааҭк инареиҳаны ицоз аиҧылараҿы излацәажәаз атемақәа.Иазгәаҭан, Аҧсны аҳҭнықалақь анапхгара рхаҭарнакцәа алархәны ас еипш иҟоу аиҧыларақәа рыцҵара аҭахны ишыҟоу.

И.Арышҧҳа, Б. Џьынџьал, АТ.


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
23
Уи абзоуроуп аилахәыра «Аҟәафон » иҟанаҵаз афинанстә цхыраара .
25
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
37
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
Алаҳәарақәеи адныҳәаларақәеи
АГТРК