«Сара сфырхаҵа» - абас ахьӡуп амобилтә еимадара «Аҟәафони», Агәыҳалалратә еиҿкаара «Кьарази» еицымҩаҧырго акциа.

26.09.2017
567

«Сара сфырхаҵа» - абас ахьӡуп амобилтә  еимадара  «Аҟәафони» Агәыҳалалратә еиҿкаара  «Кьарази» еицымҩаҧырго  акциа. Уи хықәкыс иамоуп зыбзаратә ҭагылазаашьа  уадаҩу Аҧсны аџьынџьтәылатә еибашьра аветеранцәа рҭаацәарақәа рыцхраара.  Ҩышықәсоуп  дара ари аус иаҿуижьҭеи. Аиааира амшныҳәа аламҭалазы ас еиҧш иҟаз аҭаацәарақәа аҳамҭақәа рзыҟаҵан.

Зита Анқәабҧҳа аҭаацәара даналалоз жәиҧшь шықәса ракәын илхыҵуаз. Лыҧшәма Леон иорден занашьоу, Џьон Ҵнариа  ҩажәи хҧа шықәса дырҭагылан. Арыцҳара иақәымшәацыз аҭаацәара нхон ақалақь аҿы. Аибашьра ианалага аҧсадгьыл ахьчаразы игылаз дыруаӡәкхоит Џьон. Деибашьуан агәыҧ «Горец» аҿы. Изныкымкәа ахәрақәагьы иоухьан. Аха илиршеит аиааира аҧылара. Аибашьра анеилга, иҧшәма ҧҳәыси иареи х-ҩык арҧарцәа рааӡара иалагоит. Аха, шықәсқәак рышьҭахь машәырла дҭахоит иара.

Анаҩс, Зита Анқәабҧҳа аҩбатәи аҭаацәара далалоит. Иахьазы  лыҧшәмеи лареи  ирааӡоит ф-ҩык ахшара. Инхоит Гәылрыҧшь араион  Кациқыҭан. Аха ахәыҷқәа иахәҭоу ааӡара  рыҭаразы рылшарақәа маҷуп.
Лыҧшәма ирҳауа зегьы афатә мацара иахьаго азы, анхара рцәыуадаҩуп. Убри азы агәыҳалалратә еиҿкаара «Кьараз» изныкымкәа ацхыраара рзыҟанаҵахьеит.

Ҳҭыхратә гәыҧ зҭааз актәи аҭаацәаҿы ф-ҩык ахшара ыҟазҭгьы, Уарча инхо Рубен Шьакаиа иҭаацәараҿы жә-ҩык ахшара ирызҳауеит. Агәымшәараз амедал занашьоу аб агәыҧ «Дамаск даланы деибашьуан. Иҳәатәуп, иара акциа «Сара сфырхаҵа» асиа дшалаз. Ари аҭаацәарагьы, “Аҟәафони” “Кьарази” аҳамҭақәа рзааргеит.  Акҿаҩреи аӡыршыгеи ракәын уажәазы дара ззыҧшыз.  Абри аҩыза акциа ахьеиҿыркаауа азы  иҭабуп ҳәа рарҳәеит уи аҧшьгаҩцәа.

Ари ашықәсазы акциа «Сара сфырхаҵа» иаҵанакыз араионқәа рхыҧхьаӡараҿ иҟоуп Гәылрыҧшь, Ҭҟәарчал, Очамчыра, Аҟәа, Гәудоуҭа араионқәа рқыҭақәа,зыбзазаратә ҭагылазаашьа уадаҩу аибашьра аветеранцәа рҭаацәарақәа. Иааидкыланы дара ирызнаргаз ацхыраара иақәхарџьуп хышәи ҩынҩеижәи жәаба нызқь мааҭ.

«Сара сфырхаҵа» еиднакыло рсиа иануп жәиҧшь ҩык аҳәынҭқарратә ҳамақа занашьоу аибашьра аветеранцәа рҭаацәарақәа. Дара рсиа анышьақәдыргылоз Аҧсны атәылахьчара архивтә усбарҭа аҟнытәи алкаақәа роуит аибашьраантәи рџьабаа зеиҧшраз азы. Убри ашьҭахь ауп арҭ аҭаацәарақәа ацхыраара рыҭара ианалага.

Н. Чхьынџьериаҧҳа, Л. Адлеиба,АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
23
Уи абзоуроуп аилахәыра «Аҟәафон » иҟанаҵаз афинанстә цхыраара .
25
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
37
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
Алаҳәарақәеи адныҳәаларақәеи
АГТРК