Аҧсны аҳҭнықалақь ауааҧсыра лассы-лассы ауадаҩра рызцәырҵуеит ӡыла реиқәыршәара аус аҟны

26.09.2017
548

Аҧсны аҳҭнықалақь ауааҧсыра лассы-лассы ауадаҩра рызцәырҵуеит ӡыла реиқәыршәара аус аҟны.

Мышқәак раҧхьа  аӡы ацәцо иалагеит ахынҩажәатәи ашықәсқәа раан ишьҭаҵаз Аҟәатәи  аӡымҩанагага хада. Иара аҭбаара наӡоит аашәы милимерта рҟынӡа.  Иара  анышьҭарҵа инаркны ирымҧсахӡацт, уимоу ,аремонтә усурақәагьы иналаршә-ааларшәны акәын ишымҩаҧыргоз.

Ишыҟалалац еиҧш ,ари аӡымҩангага ҩаҧхьа иҧжәеит. Уажәы амашәыр ахыҟалаз аҭыҧ ахь иҷыдоу атехника акәым, ауаҩы инеирагьы акыр иуадаҩуп, избанзар аӡымҩангага аныҭҟәац иҟалаз ажра узавсӡом.
Убас шакəугьы,  аӡыканал аусзуҩцәа аӡымҩангага аиҭашьақәыргылара  рылшеит.  Аха адырҩаҽны шьыжьшаанӡа аӡы ацәцеит даҽа ҭыпк аҟны.

Уажәазы уи аҭыҧ еиҭашьақәыргылоуп,  аха аспециалистцәа ражәақәа рыла, уи хара инеиуам. Аӡымҩангага аҭагылазаашьа даара иуашәшәыроуп, есымчыбжьа иаҭаххар алшоит ас еиҧш аусурақәа рымҩаҧгара . Убри аамҭазы «Аӡыканал» аусзуҩцәа Гәымсҭа аҳаблаҿы имҩаҧыргоит даҽа усурак.  Урыстәыла Аҧсны иазыҟанаҵо  аинвестициатә программа аҳәаақәа ирҭагӡаны, иҧсаххоит аҳҭнықалақь  ӡыла еиқәзыршәо аӡымҩангага хада.  Арҭ аусурақәа хыркәшахоит ҩнызқьи зежә шықәса рзы.

Аҧхын иалагӡаны Аҟәа ҭыҧ-ҭыҧла изныкымкəа  аӡы ааныркылон.  Ҭенгиз Кәыҵниа иажәақәа рыла, аӡы аанкылара  иамоуп амзызқәа рацәаны. Урҭ рахьтә ихадоуп аӡымҩангагақәа рҭагылазаашьа.  Дара акыр иажәхьеит. Убас шакəугьы,  «Аӡыканал»  аусзуҩцәа ирылшо ҟарҵоит ауааҧсыра еиҧымҟьарада аӡрыжәтә роурц азы.

Низфа Арышҧҳа, Ельдар Дамиров, АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Ииун 2018
93
Аҭыжьымҭаҿы:Аиубилеитә рыцхәқәа рымҩаҧгара аҽазыҟаҵара иазкны Аҧсны Ахада аилацәажәара мҩаҧигеит.
20 Ииун 2018
57
Убри азы аӡбамҭа идикылеит Аҧсны аҵареи аҭҵаарадырреи рминистр Адгәыр Какоба.
20 Ииун 2018
89
Урҭ аҭыҧқәа ргәаҭаразы дырҭааит аҳҭнықалақь ахада Адгәыр Ҳаразиа.
20 Ииун 2018
49
Ҷыдала иаҧҵаз аусуҩтә гәыҧ ари азҵаара анҭырҵаа, еилкаахеит Аҧсны атәылауаа рзинқәа реилагара аҭыҧ шамоу.
20 Ииун 2018
63
Убас,. Гагра араион Алаҳаӡыхь ақыҭаҿы иҟоу агәамеизгарҭа ауадаҩрақәа акыр рызцәырнагоит ааигәа инхо ауааҧсыра.
Загрузка плеера
Алаҳәарақәеи адныҳәаларақәеи
АГТРК