Аҧсны аҳҭнықалақь Аҟәа ақырҭуа мпыҵахалаҩцәа рҟнытә ахы ақәиҭтәра 24 шықәса ахыҵра аҳаҭыр азы, аҧсадгьыл ахьчаҩцәа рбаҟа амҵан ашәҭқәа шьҭарҵеит Аҧсны ауаажəларра.

27.09.2017
166

Аҧсны аҳҭнықалақь Аҟәа ақырҭуа мпыҵахалаҩцәа рҟнытә ахы ақәиҭтәра 24 шықәса ахыҵра аҳаҭыр азы, аҧсадгьыл ахьчаҩцәа рбаҟа амҵан ашәҭқәа шьҭарҵеит Аҧсны Ахада Рауль Ҳаџьымба, атәыла ахада ихаҭыҧуаҩ Витали Габниа, Жәлар Реизара аиҳабы Валери Кәарҷиа, Жәлар реизара адепутатцәа, аминистрцәа, аибашьра аветеранцәа, иҭахаз аҧсадгьыл ахьчаҩцәа рҭаацәа. 

Аҟәа ақалақь ақырҭуа мпыҵахалаҩцәа рҟнытә ахы ақәиҭтәра азы аоперациа цон жәеиза мшы. Уи напхгара арҭон усҟантәи Атәылахьчара аминистр аинрал--маиор Султан Сосналиеви Аҧсны Арбџьармчқәа рыштаб хада аиҳабы, аинрал-маиор Сергеи Дбари. Ари амш аҽны иҭахаз аибашьцәа ргәаладыршәарц еизеит хыҧхьаӡара рацәала ауаа, Аҧсны анапхгара, аибашьра аветеранцәа, ауаажәларратә еиҿкаарақәа рхаҭарнакцәа, ашколхәыҷқәа. 

Аибашьра аветеранцәа ирҳәоит, Аҟәа ампыҵахалаҩ иҟынтә ахы ианақәиҭыртә ашьҭахь, аиааира шааигәахоз азы гәыҩбара шрымамыз атәы, «Аҧсны иамоу аҭынчреи ахьыҧшымреи рзы иҭахеит хаҧхьаӡара рацәала уи аҵеицәа. Урҭ рыхьӡ акамыршәра зуалу ҳара ҳауп,»- рҳәон даара. Аибашьра еилгеижьҭеи ҩажәиҧшьба шықәса шыҵуагьы, иуадаҩуп ацәаныррақәа рыҵәахра, аветеранцәа иргәалашәоит ирывыршьааз рҩызцәа. «Урҭ аамҭа хьанҭақәа раан зегьы ҳаӡәыкын, иҳамаз хықәкык акәын,- Аиааира аагара, уи наҳагӡеит рҳәон аветеранцәа. 

Еиҵагыло абиҧарақәа ракәзар, ибзианы ирдыруеит рабацәа знысыз амҩа хьанҭа атәы. Иахьа иҳамоу аҭынчра ҳзаазгаз зегьы рҿаҧхьа ҳхырхәоит, рҳәон дара. Егьа аамҭа царгьы,ҳара зегьы иаҳуалуп Аҧсадгьыл ахақәиҭреи ахьыҧшымреи зхы ақәызҵаз Аҧсны аҵеицәа рыхьыӡ акамыршәра. 

 Фатима Гьергьиа, Беслан Џьынџьал ,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ианвар 2018
67
Аҭыжьымҭаҿы:Анцәа аӡы иӡаахра.  Аҧсны ақьырсианцәа иазгәарҭеит аныҳәа хадақәа ируаку.
19 Ианвар 2018
92
“ Қьалашьбеи” иахәаҧшырц еизаз ауаа, аспектакль гәахәарыла ирыдыркылеит, рыгәгьы арҧшааит .
19 Ианвар 2018
159
Шәҩык автоинспекциа аусзуҩцәа злахәыз ареидқәа мҩаҧган мызкы иалагӡан, акциа алҵшәақәа ҳасаб рзуны агәаҭарақәа ирыцҵазарц азыӡбан.
19 Ианвар 2018
57
Уи мҩаҧигеит Аҧсны Аишахаҵаратә уахәама аиҳабы Аб Бассариан Аҧлиа
19 Ианвар 2018
59
Аиҳараҩык уахь инеиуеит Иҧшьоу Василиск иӡыхьцқьа аҟнытә аӡы ргарцаз.
18 Ианвар 2018
198
Загрузка плеера
Алаҳәарақәеи адныҳәаларақәеи
АГТРК