Аофициалтә визитла Аҧсны иаҭааит Шьамтәылатәи апарламент аделегациа.

27.09.2017
723

Аофициалтә визитла Аҧсны иаҭааит Шьамтәылатәи апарламент аделегациа. Урҭ рыдыркылеит Аҧсны Жәлар реизараҟны. Шьамтәылантәи аделегациа Аҧсны Аџьынџьтәылатә еибашьраҿы аиааира иазку аусмҩаҧгатәқәа рыҽрыладырхәуеит.

Аҧсны Жәлар Реизара ахантәаҩы Валери Кәарҷиа Шьамтәылантәи асасцәа бзиала шәаабеит ҳәа раҳәо, иазгәеиҭеит, урҭ раара шыхҭыс дуу Аҧсны аполитикатә ҧсҭазаараҿы. Агәыҕра ааирҧшит, Шьамтәыла жәлар реизара ахаҭарнакцәа Аҧсныҟа раара ҩ-ҳәынҭқаррак реимадара арҕәҕәареи, ганрацәалатәи реизыҟазаашьақәа рырҿиареи ишацхраауа.

Валери Кәарҷиа агәынамӡара ааирҧшит,  Шьамтәыла имҩаҧысуа ахҭысқәа инарыдҳәаланы. Иҳәеит,  аибашьра ахлымӡаах зхызгаз Аҧсны, Шьамтәыла зҭагылоу аамҭа хьанҭа шеилыркаауа. Иазгәеиҭеит, Шьамтәыла ишынхо аҧсуаа рхылҵшьҭрақәа рдиаспора.

Агәыҕра ааирҧшит, Шьамтәылеи Урыстәылеи ирыбжьоу аиҩызаратә еизыҟазаашьақәа ирыбзоураны,  иаарласны  уаҟа ицо аибашьра еилгап ҳәа.

Шьамтәыла апарламент аделегациа хадара азызуа Санаа Або Заид Аҧсны Жәлар Реизара ахантәаҩы иҭабуп ҳәа иалҳәеит, ас еиҧш аҧхарра зҵоу адкыларазы. Илҳәеит дара шазгәыдуу Аҧсны аиааира амш иадҳәалоу аусмҩаҧгатәқәа рыҽрыладырхәыртә еиҧш алшара ахьроуз.

Санаа Або Заид иара убас иазгәалҭеит,  Аҧсныи Урыстәылеи реиҧш иҟоу аиҩызаратә еизыҟазаашьақәа Шьамтәыла рыхә ҳаракны ишыршьо. Санаа Або Заид иҭабуп ахылҳәааит, ааигәа Аҧсны аделегациа Шьамтәыла иахьаҭааз. Уи лажәақәа рыла, ас еиҧш иҟоу ҩ-ҳәынҭқаррак реиҭанеиааира Шьамтәылеи Аҧсни реизыҟазаашьақәа аҿиара амҩа иқәнаҵоит. Анаҩс, ҩ-ганк агәаларшәагатә ҳамҭақәа еимырдеит.

Аҧсны Жәлар Реизара ахантәаҩы Валери Кәарҷиа иазгәеиҭеит, Шьамтәыла аамҭа хьанҭа ишҭагылоугьы, Аҧсныҟа аделегациа аара ахьалыршахаз – ҩ-ҳәынҭқаррак реизыҟазаашьақәа аҿиара иалагап ҳәа агәыҕра шунаҭо.  
Шьамтәыла аделегациеи Аҧсны жәлар реизара ахаҭарнакцәеи реиҧылара иацҵан аконференц-зал аҟны. Уаҟа аделегациа ахаҭарнакцәа рзыҧшын Аҧсны Жәлар Реизара адепутатцәа. Араҟа иалацәажәан ҩ-ҳәынҭқаррак реизыҟазаашьақәа ҧхьаҟатәи рырҿиари, рырҭбаареи.

Н.Ақаҩба, Р. Ломиа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18
Убри аан аҧсыӡкыҩцәа уи иазышьақәргылоу аҧҟарақәа еиларго еиларымго хылаҧшра азыруеит
Алаҳәарақәеи адныҳәаларақәеи
АГТРК