Аҧсны Раҧхьатәи Ахада изкыз апроект «Владислав. Иацы, Иахьа, Уаҵәы» аҳәаақәа ирҭагӡаны аихшьаалатә хәылҧазы мҩаҧысит Аҧснытәи аҳәынҭқарратә филармониаҿы.

27.09.2017
502

Аҧсны  Раҧхьатәи  Ахада изкыз  апроект  «Владислав. Иацы,  Иахьа, Уаҵәы»   аҳәаақәа ирҭагӡаны    аихшьаалатә хәылҧазы  мҩаҧысит  Аҧснытәи аҳәынҭқарратә филармониаҿы.   Уи   азкын  Аҧсны  жәлар рџьынџьтәылатә еибашьра  аҟны игаз  аиааира  24  шықәса ахыҵра.

Аҳәынҭқарратә филармониа азал  ҭәын ахәаҧшцәа рыла. Владислав  Арӡынба изкыз    агәаларшәаратә хәылҧаз  аҿы  иҟан   Аҧсны  Ахада Рауль Ҳаџьымба, Жәлар Реизара аиҳабы  Валери Кәарҷиа,    Аҧыза- министр Беслан Барцыц,  апарламент адепутатцәа, ауаажәларратә  усзуҩцәа,  Ҭырқәтәылеи Шьамтәылеи рҟынтә иааз адиаспорақәа рделегациа , аибашьра  аветеранцәа, ашколхәыҷқәа.  

Ахәылҧаз  аҟны  ирыҧхьон  аҧсуа  поетцәа ражәеинраалақәа,  асценаҿы ишәаҳәон, икәашон.   Ахәаҧшцәа идырбан   Аҧсны Раҧхьатәи  Ахада   иқәгыларақәа   зныз  авидеоматериалқәа   , архивтә  фотосахьақәа. Арахь иааҧхьан   Владислав   захьӡыз    ахәыҷқәа. Урҭ ирыҭан  агәаларшәагатә ҳамҭақәа.
Аҧсадгьыл  ахь архынҳәразы  аҳәынҭқарратә еилакы  ахантәаҩы  Беслан Дбар ишазгәеиҭаз  ала,   ауснагӡатә аҿы   иалкаан  арепатриациа  атема.

Апроект « Ты  супер»  аҟны  аиааира згаз Валериа Адлеиҧҳа    лцәаныррақәа ҳацеиҩылшеит,  Аҧсны    ауааҧсыра  зегьы ирыдылныҳәалеит Аиааира  амш.

Апроект   «Владислав -   Иацы. Иахьа.  Уаҵәы»  хацыркын    2016  шықәсазы,    уи  уажәшьҭа  итрадициахеит. Иара    еиҿыркаауеит Аҧсны  раҧхьатәи  Ахада    ифонди  Аҧсадгьыл  ахь архынҳәразы  аҳәынҭқарратә еилаки .

Аманда Ҧониа, Михаил Братухин,  АТ


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ииун 2018
4
Урҭ рымҩаҧысшьа ауп изызкыз акультура аминистрра аҟны еиҿкааз абрифинг.
19 Ииун 2018
8
Иахьазы ари азауад аҿы иҭрыжьуеит аҭаҭынхкқәа ҧшьба
19 Ииун 2018
3
Аалыҵ еиҳаракгьы ахархәара амоуп Аҧсны араионқәа рҿы.
18 Ииун 2018
65
Аҭыжьымҭаҿы:Ҩажәи хәба шықәса раахыс ӡыда. Ақыҭақәа Баслеи Драндеи рынхацәа ацхыраара иаҳәоит.
Загрузка плеера
Алаҳәарақәеи адныҳәаларақәеи
АГТРК