Баслаҭа ақыҭан иаадыртит аибашьра аветеранцәеи, аҧсадгьыл ахьчараан иҭахази рфотосахьақәа ахькыду аҭӡы.

27.09.2017
557

Аҧсны аҳҭны қалақь ахақәиҭтәра амш аҽны, Аҟәа араион Баслаҭа ақыҭан иаадыртит аибашьра аветеранцәеи, аҧсадгьыл ахьчараан иҭахази рфотосахьақәа ахькыду аҭӡы. 

АҞәа араион Баслаҭа ақыҭаҿы инхоит ҩнызқьҩык инарзынаҧшуа ауааҧсыра. Изыхҟьазаалакгьы иахьанӡа Аҧсны Жәлар рџьынџьтәылатә еибашьраан иҭахази, аветеранцәеи рфотосахьақәа узырбо ҭӡык ыҟамызт ақыҭаҿы. 

Аиааира ду ҩажәи ҧшьба шықәса ахыҵра аламҭалазы, ари азҵаара ӡбан. Шьҭарнахыс ақыҭа администарциахь имҩахыҵуа рыбла иаахгылоит ҳаиқәзырхази, ахақәиҭра зхы ақәызҵази рфотосахьақәа. Иазгәаҭатәуп , уажәы Баслаҭа ишынхо ареспублика егьырҭ араионқәа рҟынтә иааз. Избанзар дара рыҩнқәа ццышәыртәит ақырҭуа мпыҵахалыҩцәа.

Афырхацәа иҭахази, зыҧсы ҭоуи рфотосахьақәа ирыхәаҧшит ақыҭаҿы инхо, аҧсадгьыл алахьынҵа згәы азыбылуа анхацәа, аветеранцәа, аҵаҩцәа. Аҭӡы аҟны рфотосахьақәа убоит аибашьра анцози, уи ашьҭахьтәи аидысларақәеи раан аҩныҟа изымхынҳәыз жәеизаҩык. Дара рыбжьара амаҳәи абхәындеи Денуар Асланӡиеи, Гиви Шьынқәбеи иара убасгьы Вениамин Багадасариани, Валери Карасеви дара рҩызцәеи.

Баслаҭа ақыҭа ахада, Аҧсны Афырхаҵа Владислав Габниа иҳәеит, аыветеранцәеи, иҭахази хашҭра шрықәым. Ицәажәоз ирҳәон ҩажәи ҧшьба шықәса раҧхьа игаз аиааира ишалнаршаз аҧсуа милаҭ реиқәырхара. Арҵаҩы Алла Шьынқәырҧҳа лыҧшәмеи лашьеи ҭахеит ҩнызқьи акы шықәсазы, Кәыдырҭа Гелаев напхгара ззиуаз атеррористцәа ргәыҧ анааныркылоз Аиааира амш зыҧсы ахҭнызҵази, уи аҭоурыхи рхадмыршҭуазароуп еиҵагыло абиҧара ҿа. Аҧсны жәлар рџьынџьтәылатә еибашьра аан иҭахаз ргәаларшәаразы иааныркылеит афронттә фырџьанк- фырџьанк.

Анаҩс Баслаҭаа убасгьы ашәҭқәа шьҭарҵеит Самсон Ҷанба ихьӡ зху амҩаду аҿықәан игылоу, аибашьра аан иҭахаз рбаҟа амҵан.

 Д.Инаҧшьба, Алықьса Агәхаа ,АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
21
Аклассикатә музыка аконцерт аҟны еизгаз 117 нызқь мааҭ агәыҳалалратә фонд «Ашана» иахыҧхьаӡалахоит.
23
Уи абзоуроуп аилахәыра «Аҟәафон » иҟанаҵаз афинанстә цхыраара .
25
Ари атема иазкны анҵамҭа аззырхиоз ҳкорреспондент, дазымхәыцкәа лхы иалырхәаз архивтә кадрқәа, ашкол анҭыҵ иҭыхыз ракәын.
37
Лыхнашҭа ауааҧсыра рацәан. Зехьынџьара еиҿкаан еиуеиҧшымыз ажәытә хәмаррақәа.
Алаҳәарақәеи адныҳәаларақәеи
АГТРК