Аҟәафон еиҿнакаауа апроект аҳәаақәа ирҭагӡаны Аҟәа Аҳабла ҿыц ашҭа хадаҿы ишьҭыхын жәаа метра иҟоу Абираҟ.

27.09.2017
496

Амобилтә еимадара «Аҟәафон » 2008 шықәсазы раҧхьаӡа акәны еиҿнакааит Егры инаркны Ҧсоунӡа Аҧсны аҭоурыхтә ҵакы змоу аҭыҧқәа рҿы Аҧсуа бираҟқәа рышьҭыхра иадҳәалоу апроект . 

Аҟәа ахақәиҭтәра амш аҽны , Аҳабла Ҿыц аҟны иқәдыргылеит даҽа бираҟ ҿыцк. Ари ахҭыс иалахәын Аҟәа ақалақь ахадара , ақалақьтә еизара адепутатцәа , ауаажәларратә усзуҩцәа , ашколхәыҷқәа , аҭыҧантәи ауааҧсыра . 

Цәыббра 27 , Аҳҭнықалақь ахақәиҭтәра иамшуп . Ари амш инақәыршәаны, Аҟәафон еиҿнакаауа апроект аҳәаақәа ирҭагӡаны Аҟәа Аҳабла ҿыц ашҭа хадаҿы ишьҭыхын жәаа метра иҟоу Абираҟ. Абираҟ ашьҭыхра иадҳәалоу амитинг иалагаанӡа, Аҳабла Ҿыц аҟны иҭахаз афырхацәа рҳаҭгәын амҵан ашәҭ шьыҵәрақәа шьҭарҵеит . Амтинг аартуа , минуҭктәи аҿымҭрала иргәаладыршәеит ахақәиҭра зхы ақәызҵаз Аҧсны аҵеицәа .

Егры , Ҧсоу , Мықәашҭа , Аныуаа рхәы , Аҟәатәи амшынтә баҕәаза , абираҟ автор Валери Гамгьиа иқыҭа Кәтол уҳәа Аҧсны акрызҵазкуа аҭыҧқәа рҿы иахадыргылахьеит Аҧсуа бираҟқәа амобилтә еимадара «Аҟәафон» абзоурала. Ажәаатәи аҧсуа бираҟ ықәдыргылеит Аҳабла Ҿыц , ашҭа хадаҿы . 

Аҧсны Аџьынџьтәылатә еибашьраан аҧсуаа рҵеицәа абираҟ иахьцалакгьы ирыцын . Ажәыларақәа раан ргәы шьҭнахуан , иарҕәҕәон . Еиқәдырхеит ҳбираҟ . Аҧсуа жәлар рзы акрызҵазкуа амш аҽны , ахәбатәи ашкол аҵаҩцәа гәазыҳәарак ауп ирымоу , уи аҭынч ҧсҭазаара иадҳәалоуп . Аҟәафон ахаҭарнакцәа рыпроект аринахысгьы иацҵахоит . Аҧсны егьырҭ аҭыҧқәа рҿгьы иахашәыршәырлоит Аҧсны ахақәиҭреи ахьыҧшымреи ирсимволу Аҧсуа ҳәынҭқарра абираҟ. 

Дениза Гьергьиаҧҳа , Саид Агәхаа,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19 Ииун 2018
34
Урҭ рымҩаҧысшьа ауп изызкыз акультура аминистрра аҟны еиҿкааз абрифинг.
19 Ииун 2018
48
Иахьазы ари азауад аҿы иҭрыжьуеит аҭаҭынхкқәа ҧшьба
19 Ииун 2018
23
Аалыҵ еиҳаракгьы ахархәара амоуп Аҧсны араионқәа рҿы.
18 Ииун 2018
65
Аҭыжьымҭаҿы:Ҩажәи хәба шықәса раахыс ӡыда. Ақыҭақәа Баслеи Драндеи рынхацәа ацхыраара иаҳәоит.
Загрузка плеера
Алаҳәарақәеи адныҳәаларақәеи
АГТРК