Ҩажәи фба шықәса ахыҵит Аҧсны аҳазалхратә еилакы.

27.09.2017
828

Ҩажәи фба шықәса ахыҵит Аҧсны аҳазалхратә еилакы. Сентиабр  27,  1991   шықәса рзы  Аҧсны  аҳазалхратә   маҵзура  аҧҵаразы  Аусҧҟа инапы аҵеиҩит Иреиҳаӡоу Асовет ахантәаҩы Владислав Арӡынба. Аҳазалхратә еилак ахантәаҩы Беслан Ҵнариа аилак аусзуҩцәа дрыдныҳәалеит. Зҽалызкааз гәыҧҩык иранашьан аграмотақәа, ирыхҵан аҳаҭыртә хьыӡқа.

Аҧсны аҳазалхратә еилакы ахантәаҩы Беслан Ҵнариа аилак аусзуҩцәа дрыдныҳәало, иазгәеиҭеит, аҳазалхратә еилакы знысыз амҩа акыр аџьабаа шацыз, Аҧсны ганрацәалатәи аинтересқәа рыхьчара аус аҿы алагала шмаҷым. Иҳәеит, Аҧсны ашәарҭара ианҭагылаз аамҭазы, Аҳазалхратә еилакы аусзҩуцәа аҧсадгьыл ахьчараз ишгылаз, ишмаҷым уи ахақәиҭра зхы ақәызҵазгьы.

Иахьатәи аамҭазы Аҧснытәи Аҳәынҭқарратә ҳазалхратә еилакы аҿиарамҩа иануп,   араҟа  аус руеит хышәи ҩынҩажәа-ҩык инареиҳаны аҳазалхыҩцәа. Урҭ рхыҧхьаӡараҿы иҟоуп аилак анышьақәгылоз инаркны ҩажәи фба шықәса рыҩныҵҟа акыр иазааҧсахьоуи, ҿыц еиҵагылаз аҿари. Идууп аилак алагала,Аҧсны абиуџьет ашьақәыргылара  аус аҟны.  

Иахьатәи амш рыдырныҳәаларц иааит Урыстәылатәи рколлегацәагьы. Урҭ Урыстәылатәи Афедералтә  Ҳазалхратә Еилакы ахантәаҩы ихьӡ ала иаҧхьеит адныҳәаларатә шәҟәы. Зҽалызкааз аусзуҩцәа ирыҭан аҳаҭыртә шәыҟәқәа, иранашьан амедалқәа, ирыхҵан иҷыдоу ахьыӡ ҳаракқәа. Иара убас иалкаан Аҧсны аџьынџьтәылатә еибашьра иалахәыз аилак аусзуҩцәа шәҩык инареиҳаны.

Иахьа Аҧсны аҳазалхыҩцәеи аныҳәа рыцазгәарҭаразы Аҧсныҟа иааз,Урыстәылатәи  рколлегацәеи,  ашәҭқәа шьҭарҵеит  Аҧсадгьыл ахьчара  аан иҭахаз Аҟәатәи  рбаҟа амҵан.

Жәаҳәарада, Аҧснытәи аҳәынҭқарратә ҳазалхратә еилакы аҳәынҭқарра аҿиара аус иаланагалоит зда ҧсыхәа ыҟам ахәҭа.

Н.Ақаҩба, Ҭ. Гогохьиа, АТ  


Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18
Убри аан аҧсыӡкыҩцәа уи иазышьақәргылоу аҧҟарақәа еиларго еиларымго хылаҧшра азыруеит
Алаҳәарақәеи адныҳәаларақәеи
АГТРК