Аҟәа имҩаҧган «Большой террор в Абхазии» захьӡу х-томкны иҟоу ашәҟәы аӡыргара.

04.10.2017
453

«Большой Террор в Абхазии» абас ахьӡуп зӡыргара мҩаҧысыз х-томкны иҟоу ашәҟәы. Уи еиднакылеит 1937-38 шш рзы харада ахара зыдҵаны ирӡыз, иҭархаз аҧсуа интеллигенциа рхаҭарнакцәа рҭоурых. 

Ас еиҧш иҟоу ашәҟәы аҭыжьра рыбзоурахеит Европа ахеилак иҳәынҭқарратәым аиҿкаарақәа. Ашәҟәы аӡыргара иалахәын Аҳәынҭқарра Ахада Рауль Ҳаџьымба, Жәлар реизара аиҳабы Валери Кәарҷиа, адепутатцәа, Арепрессиа иақәыршәаз рҭынхацәа. Ҩышықәса инарзынаҧшуа ари ашәҟәы аҭыжьразы аматериалқәа еидыркылон. Уи аус адырулон х- ҳәынҭқаррак рхаҭарнакцәа. Актәи атом аҿы ианылаз аматериалқәа ааган Қырҭтәылатәи архив аҟынтәи , аҩбатәи атом ианылеит Аҧсны еизгаз аматериалқәа, аиҳарак урҭ аагоуп арепрессиа иақәыршәаз рҭаацәа ирымаз аматериалқәа рҟынтә. 

Апроект анапхгаҩы , аҭурыхҭҵааҩ Станислав Лакоба иҳәеит, Аҧсны аҭоурых аҿы ари ашәҟәы иалкаау аҭыҧ шааннакыло. 1937-38 шш рзы Сталин иполитика иахҟьаны Аҧсуа жәлар имаҷымкəа арыцҳарақәа рхыргеит, уи аахыс ҧшьынҩажәа шықәса шҵхьоугьы, аҭоурхы аҿы иҟоу афактқәа зегьы аарҧшым , ари ашҟәы аҿы ҿыц ицәыргоу аматериалқәа маҷым, иҳәеит иара . 

«Большой Террор в Абхазии» захьӡу ашәҟы аӡыргара иалахәыз ирҳәон, Аҧсу жәлар рзы ари ашәҟәы баҟак ишаҩызахоу , акыршықәсқәа идмырзоз аҭоурых шаартхаз атәы. Иҟамзар ҟалап ҧсуа ҭаацәарак арепрессиа ахҟьаҧҟьақәа анырра зрымҭаз, зхатәы гәырҩаны изхызымгаз, усҟантәи ашықәсқәа рзы Аҧсны ҧхьаҟа изгашаз аинтеллигенциа рхаҭарнакцәа харада ахара рыдырҵон. Ҩнызқьҩык инареиҳаны аҧсуаа рҵеицәа ҭархан. Егьа мааҭа царгьы, урҭ рхьыӡқәа кашәара рықәымлароуп ҳәа азгәарҭон ашәҟәы аӡыргара иалахәыз . Еиҵагыло абиҧарақәа ирдыруазароуп рҭоурых , еилыркаауазароуп 37-38- тәи ашықәсқәа рзы аҧсуаа зыхдырҟьоз атәы.

Ари ашәҟәы ианылаз аматериалқәа реидкылара мариамызт, уи азы Қырҭтәыла иҟаз аматериалқәа аагатәын аиҿцәажәарақәа маҷымкəа имҩаҧгатәын , егьа аџьабаа адбалазаргьы, иахьа ҳнапаҿы иаҳкуп аҭоурых зну ашәҟәы,- ҳәа азгәарҭон аӡыргарахь ааҧхьара змаз. Ашәҟәы «Большой Террорв Абхазии» аекземплиарқәа рхыҧхьаӡара рацәам, ахәҭак аҭыжьра аус адызулоз рҳәынҭқаррақәа рҿы иаанхеит, ахәҭак Аҧсныҟа иааган , аха уи иаҧхьарц агәаҳәара змоу зегьы Амилаҭтә библиотекаҿы ирыҧшаар рылшоит . 

 Ф. Гьергьиаҧҳа, А. Агәхаа, Н.Ақаҩба, Л.Адлеиба,АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
18 Маи 2018
Уи еизнагеит апоет иажәеинраалақәа бзиа избо ашәҟәыҩҩцәеи, аҵарауааи, ауаажәларатә усзуҩцәеи, арҵаҩцәеи, аҵаҩцәеи.
18 Маи 2018
Уи аҳәаақәа ирҭагӡаны, Москватәи аҳәынҭқарратә университет аушьҭымҭацәа Вардаиаҧҳа Валериеи Громова Анастасиеи иаздырхиаз апроект иазааҭгылеит.
17 Маи 2018
85
Жәларбжьаратәи амузеиқәа рышм аҽны аҵх агәанынӡа Аҟәа иаартызаауеит амузеиқәа хҧа.
17 Маи 2018
130
Аҳәынқарра Ахада иҟаиҵаза Аусҧҟа инақәыршәаны, аибилеи аҳаҭыр азы гәыҧҩык адипломантцәа чынла иҳаракын.
Загрузка плеера
Алаҳәарақәеи адныҳәаларақәеи
АГТРК