Аларшабага аҳаблаҿы иҟоу агәам еизакырҭа иаарласы даҽа ҭыҧк азалххоит Гәылрыҧшь араионаҿы.

04.10.2017
849

Аларшабага аҳаблаҿы иҟоу агәам еизакырҭа иаарласы даҽа ҭыҧк азалххоит Гәылрыҧшь араионаҿы, уи азааигәара инхо ауааҧсыра иаадырҧшуа агәынамӡарақәа ирыхҟьаны. Уи азы иаҧҵоуп аҳәынҭқарратә комиссиа, аҧыза-министр ихаҭыҧуаҩ Беслан Ешба инапхгарала. Ҳкоресспондентцәа еилыркаауан Аҟәатәи агәам еизакырҭаҿы аҭагылазаашьа зеиҧшроу.

Гәдоуҭа араион иаҵанакуа  агәам еизакырҭа аамҭала иахьадыркыз иахҟьаны, шьҭа хымзуп уантәи Аҟәатәи агәам еизакырҭахь иааганы абзазаратә гәамқәа карыжьуеижьҭеи. Иҳәатәуп, уи ашьҭахь араҟа аҭагылазаашьа акырынтә ишеицәахаз,  абжьааҧны  иучҳартә иҟазтгьы, уажәы агәам иахылҵуа афҩы уқәнаргылом. Аҟәа ақалақь алашарабага аҳаблаҿ иҟоу аизакырҭа ааигәара инхоит имаҷымкәа ауаа. Урҭ ирҳәоит, хәылбыҽхала зынӡаск аҧенџьыр шырзаамыртуа, ҧшак аасцыҧхьаӡа, агәам иахылҵуа афҩы бааҧс рыҩнқәа ишрыҩнало. Ақәа ауцыҧхьаӡа афҩы иаҳа ишеицәахо.

Аҟәатәи агәамсам еизакырҭа  ари аҭыҧ аҿы иҟоужьҭеи хынҩажәи жәаба шықәса иреиҳауп. Аҧсааҭәқәеи, арахәи, алақәеи роуп ара иаҧшәыманы иҟоу. Мышкы иалагӡаны араионқәа рҟынтәи арахь иааргоит ҩынҩеижәи жәаба машьына рҟынӡа агәам-сам. Аха аӡәгьы дахылаҧшӡом уи хаҭала инаган иахькарыжьуа. Гәамла иҭәуп ари аҭыҧ. Уи иаҵыҵуа аӡыцрыҵқәа ауааҧсыра ирҧырхагоуп. Агәам еизакырҭа ааигәара инхо реиҳарак рашҭақәа рҿы аҵеиџьқәа рызгылоуп. Уи аҟынтәи  аӡы ажәра иаҧсам рҳәоит  анхацәа, избанзар,  агәам иаҵыҵуа аӡы адгьыл ианалалалак, аҵеиџь иҭо аӡгьы иаҧырхагахоит. Анхацәа аҳәара ҟарҵоит, рпроблема иахәаҧшырц, агәам еизакырҭа  даҽа ҭыҧк ахь ииаргарц азы.

Алашарбага аҳаблаҿы иҟоу агәамсам еизгарҭа азҵаара аӡбаразы еиҿкаауп аҳәынҭқарратә комиссиа, уи наҧхгара аиҭоит аҧыза -министр ихаҭыҧуаҩ  Беслан Ешба. Иара иҳәеит, Аҟәатәи агәам еизгарҭа аркра шақәшәо, иаҿарҵахьеит атехника ҿыц, ажәытә гәам ақәгаразы. Иазгәеиҭеит, уи ахаҭыҧан ишазыҧшаау  аҭыҧ ҿыц Гәылрыҧшь араионаҿ. Аха  уи зегь аиҿкаара аамҭа рацәа аҭаххоит иҳәеит иара.

Наала Чхьынџьериаҧҳа, Асҭамыр Гәажәба, АТ.



Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Илахҿыху ақәыргыламҭақәа, акәашареи ашәаҳәареи, иара убас ҭагалан аныҳәа иазкны аҧсуа чысқәа - узыршанхаша рацәан.
5
Атуристтә форум раҧхьаӡа акәны иалахәуп Шьамтәылантәи аделегациа.
11
Аҭыжьымҭаҿы: Акурорттә сезон  аихшьаалақәа рзы. Аҧсны  Ахада  дидикылеит акурортқәеи атуризми рзы    аминистр.
19
Борис  Гәыргәылиа ишәҟәы ахҧатәи атоми , иара иҷкәын изку  ашҟәы  «Абзагәи ».
16
Ҟрымтәи асасцәа рныҟәара хацдыркит  Аҟәатәи  ахшаалыҵ зауад ала.  
Алаҳәарақәеи адныҳәаларақәеи
АГТРК