Аҧсны иазгәарҭеит арҵаҩцәа Адунеизегьтәи рымш.

05.10.2017
808

Аҵареи аҭҵаарадырақәеи рминистр Адгәыр Какоба арҵаҩцәа зегь рымш ныҳәа рыдиныҳәалеит . Иара убасгьы ашколтә ҧсҭазаараҿы еиҭакрақәас ргәы иҭоу рзеиҭеиҳәеит ҳкорреспондентцәа. 

Аҵареи аҭҵаарадырреи рминистрра ишьақәнаргылеит ҩажәи жәа-ҩык инареиҳаны аҧышәа ду змоу арҵаҩцәа рсиа, Аҧсны зҽаҧсазтәыз арҵаҩы ҳәа ахьӡ рыхҵаразы. Уи асиа дәықәҵан Аҧсны Ахада иусбарҭа ашҟа. Сынтәа Аҧсны аусура иалагеит шәи ҩынҩеижәи жәаф школ. Дара рҟны аҵара рҵоит ҩажәи быжьба нызқь-ҩык инареиҳаны аҵаҩцәа. 

Ҧшь-нызқьҩык арҵаҩцәа атәыла ашколқәа рҟны ааӡареи арҵареи апроцесс рнапы алакыуп. Аха иҳәатәуп, шьыжьла ауаарацәа еизаны ашәҟәқәа рдунеи ахь агәыбылра ахьыркуа аҭыҧқәа рҟны џьара-џьара ахыбрақәа рҭагылазаашьа шеиҧшым. 

Иахьатәи аҭахрақәа ирықәшәаны ишьақәыргылоу ашколқәа шықәсқәак аҧхьа еиҧш уажә ааигәагьы Урыстәыла Аҧсны иазыҟанаҵо афинанстә цхыраарала еиҭашьақәыргылан. Убас шакәугьы ҩынҩеижәи жәаба школ инарзынаҧшуа анапы рыгуп, аиҭашьақәыргыларатә усурақәа зынӡаск иахьымҩаҧырымгацгьы ыҟоуп.

Аҵара аминистрраҿы хықәкыс ирымоуп ашкол крыфарҭақәа, мыруга ҿыцла еиқәыршәоу рҟны иаларгаларц зныкала аҵаҩцәа рыкрыфара аиҿкаара. Иара убасгьы ргәы иҭоуп, аҧаратә картақәа рыла рышколтә крыфарҭақәа ракəымзар даҽаџьара рхы ирзамырхәо реиқәыршәара. Избанзар, абжьааҧны ашкол анҭыҵ ирҧырхагоу афатә аархәар ауеит, - ҳәа иҧхьаӡоит Адгәыр Какоба. Аҵаҩцәа рымаҭәа азҵаара аминистрраҿы иалацәажәоижьҭеи акыр ҵуеит. Иахьагьы уи азҵараа аҵыхәтәанынӡа иӡбамкәа иаанхоит. Ҳаҧхьаҟа ргәы иҭоуп ари атема алацәажәара.

Ирацәаҩуп аҭаацәа рҟынтәи уи азҵаара иадгылоугьы, маҷ-маҷ акәзаргьы.Иаарласны абжьаратә ҵараиурҭақәа зегьы рҟны аҵаҩцәа еиҧшу маҭәала реилаҳәара азгәаҭоуп, - иҳәеит аҵареи, аҭҵаарадырреи рминистр.

 Наала Чхьынџьериаҧҳа, Беслан Џьынџьал, АТ.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20 Август 2018
20
Аҭыжьымҭаҿы:Усутә визитла. Аҧсны Ахада Рауль Ҳаџьымба дидикылеит Урыстәыла Ашәарҭадаратә хеилак амаӡаныҟәгаҩ ихаҭыҧуаҩ Рашид Нургалиев.
20 Август 2018
15
Кореиатәи ахәаахәҭра ааглыхратә палатеи дареи рыбжьара аусеицуразы аиқәшаҳаҭра рнапы аҵарҩит.
17 Август 2018
9
17 Август 2018
14
Уи иалахәын ахәыҷтәы вокалтә гәыҧ «Анасыҧ» ашәаҳәаҩцәа қәыҧшцәа.
17 Август 2018
10
Ақәҵара инақәыршәаны, атәанчаҩцәа ахәшәқәа рыхәҧса ҩажәи хәба процент агырханы иаархәартә алшара рымоуп.
Загрузка плеера
Алаҳәарақәеи адныҳәаларақәеи
АГТРК