Арҵаҩы изанааҭ зыҧсҭазаарахо .

05.10.2017
864

Арҵаҩы изанааҭ иҧшьоу акы аҳасабала уахәаҧшыр ауеит. Уи бзиа избо ара ирыҧсҭазаароуп. Убас иҟоу дыруаӡәкуп Комаров ихьӡ зху АҞәатәи афбатәи абжьаратә школ алагарҭатә классқәа рырҵаҩы Алиса Чагәааҧҳа. 

 Аҵарадыррахь амҩа узаазыртуа актәи акласс инаркны ажәеизанӡа умҩақәызҵо, ззанааҭ зыҧсҭазаарахо, абарҭқәа зегьы зызку арҵаҩы иоуп. Алиса Чагәааҧҳа жәибыжь шықәса ҵуеит Комаров ихьӡ зху АҞәатәи афбатәи абжьаратә школ алагарҭатә классқәа рҿы арҵаҩы изнааҭ ала аус луеижьҭеи .

Ари азанааҭ бзиа иумбозар, унапахьы иузаагом, лҳәоит лара. Ахәыҷы актәи аклассахь данымҩахыҵ имаршәа укыроуп, зегьы рызнеишьақәа хаз-хазуп, - лҳәоит арҵаҩы. Алиса Рауль иҧҳа иазгәалҭеит, арҵаҩы изанааҭ дхәыҷы аахыс бзиа ишылбоз , ашкол данҭаз лырҵаҩцәа дышрыцклаҧшуаз, аиҳаракгьы алагарҭатә классқәа дшырзҿлымҳаз атәы. 

Сзанааҭ сыҧсҭазаара иахәҭакхеит, даҽакы схахьы исзаагом, - лҳәоит арҵаҩы. Аҩра, аҧхьара, аицҵара, аигырхара, асахьаҭыхра ашәаҳәара уҳәа ирацәоуп актәи акласс инаркны аҧшьбатәи аҟынӡа арҵаҩы ахәыҷқәа ирызналго, Уи иабзоураны ауп аҵаҩы бзиа иибо амаҭәаргьы шаликаауа. «Еилых ҟамҵакəа зегьы еиҧшны уанрызнеи ауп уџьабаа алыҵшәа анубо,»- ҳәа азгәалҭоит Алиса Чагәааҧҳа.

Ахҧатәи аклассаҿы аҵара рҵоит ҩажәихәҩык. Угәы иаахәаратәы дара зегьы рхатәы бызшәала аҷҷаҳәа ицәажәоит. Раҧхьа аклассаҿы иҟан ацәажәара зцәыуадаҩызгьы, аха иахьа рбызшәа рҳәоит. Алиса Рауль-иҧҳа илҳәоит, ишылцәыуадаҩу ҧшьышықәса аҵара дырҵаны ахәыҷқәа роужьра. 

Аха угəы шьҭнахуеит дара рыҧсҭазаара ҭышәынтәаланы ишьақәгыланы ианыҟалоу. Иҟалап арҵаҩы изанааҭ егьырҭ иузрыдымкылозар. Уи иаҵоу аҧхарреи аҭакҧхықәреи акырӡа ирцәоуп. Аха рџьабаа алҵшәақәа анырбо дара рзы гәахәара дууп. 

Фатима Гьергьиаҧҳа, Ельдар Дамиров, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
12
Иара Аҧсны амилаҭтә олимпиатә еилакы аҿы  адныҳәаларақәа идикылон
15
Убри инамаданы имҩаҧган афонд ахаҭарнакцәа злахәыз апресс-конференциа.
24
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК