Октиабр фба рзы, ҩажәи хәба шықәса ҵуеит Гагра араион ақырҭуа мпыҵахалыҩцәа рҟнытә ахы иақәиҭтәуижьҭеи.

05.10.2017
508

Октиабр  фба  рзы    ҩажәи хәба  шықәса ҵуеит Гагра  араион  ақырҭуа мпыҵахалыҩцәа рҟнытә  ахы иақәиҭтәуижьҭеи.  Ари арыцхә ақалақь аҿы   инарҭбааны   иазгәарҭоит.

Ҩынҩажәи ааба мши ҵхи Гагра араион ақырҭуа мпыҵахалаҩцәа рнапаҿы иҟан.  Аҧсны  Иреиҳаӡоу  Асовет  ахантәаҩы    Владислав  Арӡынбеи,  Сергеи Дбари,   егьырҭ  аруааи   еиҿыркааз  аплан инақәыршәаны, октиабр мза, зқьи жәшәи ҧшьынҩажәи жәаҩа шықәса рзы иалагеит араион ахы ақәиҭтәразы ажәылара. Убри аухаҵәҟьа, асааҭ ааба рыбжа рзы Гагра ақалақь аҕа дахцан. Гагра ақырҭуа мпыҵахалаҩцәа рҟынтәи ахы ақәиҭтәра Аҧсны Аџьынџьтәылатә еибашьраҟны игаз Аиааира ду уасхырны иазыҟалеит.

Араион аҭарцәраан иҭахеит шәи жәибжь – ҩык  Аҧсадгьыл  ахьчаҩцәа. Есышықәса еиҧш сынтәагьы, Гаграа мҽхакы ҭбаала иазгәарҭоит ари амш. Сынтәа Гагра аҭарцәра ҩажәи хәба шықәса ахыҵра  азгәаҭара    амҩаҧгаразы   иҟаҵан   аиубилеитә медалқәа.

Ақалақь Акультуратә хан аҟны лассы – лассы имҩаҧыргоит Гагра ахы ақәиҭтәра ҩажәи хәба шықәса ахыҵра иазкны аибашьра иалахәызи, иҭахаз рыуацәеи амедалқәа рнапаҟны  рыҭара.

Октиабр фба рзы Гагра аныҳәатә усмҩаҧгатәқәа ирылагоит ишаҧу еиҧш, Аҧсны раҧхьатәи ахада Владислав Арӡынба ибаҟеи Аҧсны ахьыҧшымра зхы ақәызҵаз рбаҟеи рымҵан ашәҭ шьыҵәрақәа рышьҭаҵарала. Анаҩс, имҩаҧгахоит аныҳәатә концерт. Уи ашҟа  ааҧхьара рымоуп Аҧсны еиуеиҧшым аколлективқәа реиҧш, Нхыҵ Кавказынтәи егьырҭ    атәылақәеи рҟнытә  хатәгәаҧхарала иааны иҳацеибашьуаз рырҿиаратә гәыҧқәа. Убасгьы   араион ашколхәыҷқәа.

Гагра ахы ақәиҭтәра иалахәын хәышәи хынҩажәи жәа-ҩык. Дара рхыҧхьаӡараҿы иҟан  аҧсуаа  реиҧш,  хатәгәаҧхарала   иҳацхраауаз. Дара   реиҳараҩык   ашәарыцагатә шәақәқәа   рыла   еибашьуан. Ақырҭқәа   рырхәҭақәа рхыҧхьаӡара    ҧшь-нызқьҩык иреиҳан. Урҭ рхы иадырхәон   акәалӡтәы  техникеи,    абзарбзанқәеи. Аха Аҧсадгьыл ахь абзиабара иаиааиуа мчы ыҟам. Октиабр фба, зқьи жәшәи ҧшьынҩажәи жәаҩа шықәса рзы Аҧсны мраҭашәаратәи аҳәаа  иахашәыршәырит Аҧсуа бираҟ.

Н.Ақаҩба, А.Агәхаа, АТ
      

  

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
22 Февраль 2018
36
22 Февраль 2018
24
«Ишьхатәылоу Аҧсны» афонди, аурыс-географиатә еилазаареи Москватәи рштаб квартираҿы аусеицуразы аиқәшаҳаҭра рнапы аҵарҩит, жəабран 21 рзы.
22 Февраль 2018
111
Ари арыцхә аҳаҭыр азы аусмҩаҧгатә еиҿкаан Аҟәатәи ацәыргақәҵатә зал хадаҿы .
21 Февраль 2018
134
Аҭыжьымҭаҿы:Харада иҭархаз ргәаларшәаразы. Гәдоуҭатәи апарк аҿы аныҳәарҭа аргылара иацхраарц зҭаху рзы ахыҧхьаӡаларҭа аартуп.
21 Февраль 2018
104
Раҧхьаӡа акәны,  уи аҳәаақәа ирҭагӡаны далкаахоит ашықәс зегь аҩнуҵҟа Аҟәафон хаҿыс иаиуа аҭыҧҳа.
Загрузка плеера
Алаҳәарақәеи адныҳәаларақәеи
АГТРК