Октиабр 8 рзы, Гәдоуҭа араион аҟны имҩаҧгахоит жәлар рныҳәа « Лыхнашҭа».

05.10.2017
478

Октиабр 8 рзы, Гәдоуҭа араион аҟны имҩаҧгахоит жәлар рныҳәа « Лыхнашҭа». 

Мызкы иназынаҧшуа уи аҽазыҟаҵара иаҿуп. Гәдоуҭа араион аҟны иаҧҵоуп жәлар рныҳәа « Лыхнашҭа» еиҿкаарала амҩаҧгараз акомиссиа ҷыда.

 Уи иалоуп араион анапхгара рхаҭарнакцәа реиҧш ақыҭақәа зегьы рхадацәа. Урҭ аҵыхәтәантәи реиҧылара мҩаҧысуан араион ахадара ахыбраҿы. Иазгәаҭатәуп , традицианы ишаҧу еиҧш , ақыҭақәа зегьы Лыхнашҭа еиҿыркаауеит аишәачара. Хазы иазалхыу аҭыҧ аҟны ицәыргақәҵахоит Жәлар рнапҟазацәа раҧҵамҭақәа, анхацәа рчеиџьыка , ажәакала сынтәатәи аҿамаҿа. Араион анапхгареи, ақыҭақәа рнапхгаҩцәеи аныҳәа аламҭалазтәи аҵыхәтәантәи реиҧылараҿы ирылацәажәеит аныҳәа аиҿкаараҿы ирыгу- ирыбзоу. 

Иазгәарҭеит уаанӡеиҧш Аҧсны араион зегь рҟнытә адагьы уи ишаҭаауа аҳәаанырцәтәи асасцәагьы. Ҷыдалагьы Урыстәыла еиуеиҧшым арегионқәа рнапхгаҩцәа. Убри аҟнытә ҳмилаҭ рчеиџьыка , рысасдкылашьа рбаҩхатәра, ржәытә- рҿатә асасцәа дырбараҿы ари аныҳәа ахшыҩзышьҭра ҷыда шаҭатәу. Ҳара ҳаҟан иара убас аныҳәа мҩаҧысраны иахьыҟоу Лыхншаҭа. 

Араҟагьы аныҳәа аҽазыҟаҵара ҩ- напыкла имҩаҧысуеит. Ҩымш ирылагӡаны абраҟа иргылахоит араион ақыҭақәа зегьы аимправизациа зызуу рашҭақәа. Уи азы иаҭахыу аиқәыршәара иаҿуп. Аҧшәмацәа, Лыхаагьы азхиоуп ишаҧу ҧсыуаҵас рысасцәа рҧылара. Иазгәаҭоуп ацәыргақәҵақәа рыдагьы араҟа октиабр ааба рзы ишыҟало акультуратә программа ҭбааи, аҽтәы спорттә еицлабрақәеи.

 Е.Арџьениа, А.Џьениа , АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
15 Август 2018
70
15 Август 2018
59
Араҟа еизгаз аҧара афонд« Ашана »иахыҧхьаӡалахоит .
15 Август 2018
63
Уи иазыҧҵәоу аамҭа иалагӡаны апаспорт аиуразы ашәҟәқәа алазымҵаз ирымоу рдокументқәа амч рцәыӡуеит.
15 Август 2018
57
Аҧсны ахадареи аибашьра аветеранцəеи ашәҭқәа шьҭарҵеит хатәгәаҧхарала иҳацхраауаз иҭахаз рбаҟа амҵан.
14 Август 2018
41
Загрузка плеера
Алаҳәарақәеи адныҳәаларақәеи
АГТРК