Ҩажәи хәба шықәса раҧхьа ахы иақәиҭтәын Гагра ақалақь.

06.10.2017
631

25 шықәса ҵуеит Гагра ақалақьи араиони Қырҭтәыла аҳәынҭсовет архәҭақәа рҟынтәи ахы иақәиҭыртәижьҭеи. Гагра араион ахақәиҭтәразы ажәылара иалагеит зқьи жәшәи ҧшьынҩажәи жәаҩа шықәса, жьҭаарамза ҩба рзы, ашьыжь шаанӡа. Ахәылбыҽха, зеижә сааҭи ҩажәи жәаба минуҭи рзы ақалақь зегь ҭарцәын ақәылаҩцәа рҟынтә.

Гагратәи ажәылара аан иҭархан акыр ақырҭуа баталионқәа . Жьҭаарамза фба , ф- сааҭки ҩынҩажәа минуҭи рзы Аҧсныи Урыстәылеи рҳәааҿы иахаргылан Аҧсны Аҳәынҭқарратә бираҟ. Гагра араион Қырҭтәылатәи архәҭақәа рнапаҵаҟа иҟан ҩынҩажәи ааба мши ҵхи. Ари аиааира раҧхьатәин Аҧсны жәлар рџьынџьтәылатә еибашьра аҟны. 1992 шықәса октаибрнӡа ақырҭқәа Аҧсны абжеиҳарак рымпыҵархалахьан. Урҭ рахьтә астратегиатә ҵак ду аман Гагра араион. Избанзар ақырҭқәа Аҧсны мрагыларахьтәи мраҭашәарахьтәи аҳәаақәа рнапаҿы иҟан. Ауадҳаратәи ахыҵырҭа анааныркыла, аҧсуаа зҭакыз амацәаз адыркуан. Убри азоуп Аҧсны Иреиҳаӡоу Асовет ахантәаҩы аруаа ахақәиҭтәра аплан зеиқәдыршаәз. Уи иалагеит октиабр акы ашьыбжьышьҭахь. Аиҧыларақәа мҩаҧыргон еиуеиҧшымыз ахырхарҭақәа рыла. 

Ажәылара иаҿыз аҧсуааи, цхыраара иаҳзаази бџьарлеи џьаҧҳанылеи ишеибыҭамызгьы, ргәымшәареи, рфырхаҵареи аҕа иҟаиҵо дақәымшәо дықәдырхеит. Ақырҭқәа аҳауахь ишьҭырхит аибашьыгатә ҳаирпланқәеи авертолиотқәеи. Абзарбзанқәеи, атанкқәеи рхымца рыжәырҵон ҳаибашьцәа. Убри аан акыр ирацәаҩын иҭахоз. Аха иаанымҿаскəа ҧхьаҟа ижәылон.

Ҳаибашьцәа Гагра ақалақь ахы иақәиҭтәны, аҳәынҭқарратә ҳәаа рҽазааигәартәуан. Хәымш ирылагӡаны аҧсуааи, иҳацхраауази ирылшеит наунагӡа Гагра ҳара иаҳтәуп ҳәа абџьар кны ирҿагылаз зегьы рхьацара. Дара рыҧсы еиқәдырхарц Адлер араионаҿы рҽырӡеит. Октиабр фба, 1992 шықәса рзы Гагра араион зегьы ақырҭуа мпыҵахалаҩцәа рҟнытә ахы иақәиҭтәын. Ари аҭоурыхтәи астратегиатəи ҵак ду змаз раҧхьатәи иааиран. 

Д, Инаҧшьба, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
5
Убри инадҳәаланы ҳтәыла ашколқәа рҿы имҩаҧысуеит агәыҳалалра иазку аурокқәа.
9
Уаҟа аҧсуа монетақәа ирызку аинформациа аҧхьатәи адаҟьақәа рҿы икьыҧхьуп.
Алаҳәарақәеи адныҳәаларақәеи
АГТРК