Гагра имҩаҧысит ақалақь ақырҭуа қәылаҩцәа рҟынтәи ахы иақәиҭтәуижьҭеи ҩажәи хәба шықәса аҵра иазкыу аныҳәатә уснагӡатәқәа.

06.10.2017
594

Гагра имҩаҧысит ақалақь ақырҭуа қәылаҩцәа рҟынтәи ахы иақәиҭтәуижьҭеи ҩажәи хәба шықәса аҵра иазкыу аныҳәатә уснагӡатәқәа. 

Гагра араион ахақәиҭтәра 25 шықәса ахыҵра иазкыз аныҳәатә уснагӡатәқәа ирылагеит Аҧсны раҧхьатәи ахада Владислав Арӡынбеи иҭахаз аибашьцәеи рбаҟақәа рҿы ашәҭқәа рышьҭаҵарала. Араҟа атәыла анапхгареи, аиҳабыреи, аибашьра аветеранцәеи, ауаажәларра рхаҭарнакцәеи ашәҭқәа шьҭарҵеит, минуҭктәи аҿымҭрала иргәаладыршәеит зыҧсадгьыл зхы ақәызҵаз аҵеицәа. Аибашьраан еиҿкааз ҳарбџьармчқәа рзы Гагра араион ахақәиҭтәра ақәҿиара змаз раҧхьатәи жәыларан. Усҟан дара ацхыраара ду рырҭеит Нхыҵ Кавказантәи хатәгәаҧхарала иааз ҳашьцәа.

Гагра ахақәиҭтәра ргәашьамх арҵарит ҳаибашьцәа, агәра днаргеит ампыҵахалаҩцәа рҟынтәи рыҧсадгьыл ахақәиҭтәра шрылшо. Гагра ахақәиҭтәра амш агәырҕьара еиҧш алахьеиқәрагь ацуп. Ақалақь аҭарцәраан иҭахеит 108 ҩык аҧсадгьыл ахьчаҩцәа, урҭ рахьынтә жәохә ҩык Нхыҵ Кавказантәи хатәгәаҧхарала еибашьра иааз роуп. Урҭ рыхьыӡ кашәара ақәым. 

Гагра араион ахақәиҭтәра аҳаҭыр азы ақалақь аҿы еиҿкаан аныҳәатә уснагӡатә ду. Уи иалагаанӡа имҩаҧгаз амитинг аҿы Аҧсны Ахада Рауль Ҳаџьымба Гагра ахақәиҭтәра амш рыдиныҳәалеит еизаз. Анаҩс имҩаҧган аҧсуа аестрада артисцәеи, акәашаратә гәыҧқәеи злахәыз аныҳәатә концерт. 

Алика Ҭраҧшьҧҳа, Леон Адлеиба, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
34
Уи хықəкыс иаман аҧсуа жәлар рмилаҭтә культура, рҟазара, раалыҵ аӡыргара .
19
Аҟаза имшира идырныҳәалеит акыр шықәса аус ицзухьаз иҩызцәа.
Алаҳәарақәеи адныҳәаларақәеи
АГТРК