Ареспублика Науру ахада Барон Вака усутә визитла Аҧсныҟа дааит.

13.11.2017
645

Хаҭалатәи аиҧылара ахыркәшамҭаз,  аҩ-республикак рхадацәа аҳамҭақәа еимырдеит. Анаҩс имҩаҧган инеиҵыху аиҧылара. Уи иалахәын Наурутәи аделегациеи Аҧсны аҳәынҭқарратә усбарҭақәа рхаҭарнакцәеи. Аҧсныи Науруи рхадацәа рылацәажәеит аҩ-республикак реизыҟазаашьақәеи аҧхьаҟатәи рҧеиҧши, рырҿиаратә мҩеи . Аҧсны Ахада инаҵшьны иазгәеиҭеит, ҩнызқьи жәаф шықәс рзы рнапы зҵарҩыз аусеицуразы аиқәшаҳаҭра инақәыршәаны, аҩ-ганкгьы ирыбжьоу аизыҟазаашьақәа аринахысгьы реизырҳара хықәкыс ишрымоу. Аиҧылара аҟны Рауль Ҳаџьымба иазгәеиҭеит , егьырҭ Аокеанҭынчтәи абассеин иаҵанакуа аҳәынҭқаррақәеи Аҧсныи рыбжьара адипломатиатә еизыҟазаашьақәа аныҟам аамҭазы Аҧсныи Науруи рыбжьара апарламентбжьаратә гәыҧ ,мамзаргьы Аҧсны аҩызцәа ргәыҧ аҧҵара ахәҭаны ишиҧхьаӡо.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК