Нхыҵ Кавказ аусқәа рзы Урыстәылатәи аминистр Лев Кузнецов Аҧсныҟа дааит.

17.11.2017
522

Игәарҭон аинвестициатә программа аҳәаақәа ирҭагӡаны Гагра изҿу аргыларақәа рцашьа. Гагра ақалақь азы акрааҵуеит иӡбатәу зҵаараны иҟоижьҭеи ӡынгьы-ҧхынгьы фымцалашарала ауааҧсыра реиқәыршәара. Уажәы Урыстәылатәи аинвестициатә цхыраара абзоурала афымцеихшарҭа Гагра-1 аҟны аиҭашьақәыргыларатә усурақәа ирҿуп. Ари аҭыҧ иаҭааит Лев Кузнецови Беслан Барцыци. Дара ирзеиҭарҳәеит аусрақәа ҩ-етапкны ишеихшоу. Актәи аан ҳазну ашықәс нҵәаанӡа иқәыргылахоит ҩажәи хәба нызқь киловольт здызкыло афымцеихшарҭа. Ҩнызқьи жәаа шықәса, мшаҧымза азы убасгьы иқәдыргылоит убри аҟара амчхара змоу афымцеихшарҭа. Урҭ ирыбзоураны уаанӡа ҩажәа нызқь киловольт ауааҧсыра ироуазҭгьы шьҭарнахыс уи иазҳауеит ҩынҩажәи жәаба нызқь рҟынӡа. Аҟазацәа ирҳәеит еиҵазырхо аус шыҟам. Ишааргахьоу ирҭаху амаҭәахәқәа зегьы. Арҭ аусурақәа ирықәхарџьхоит шәи хынҩажәи ааба миллион мааҭ. Гагра амшын аҧшаҳәаҿы убасгьы идыргылоит асасааирҭа ҿыц. Уи азы Урыстәылатәи абанк аҟнытә кредитла аҧара ган. Аусурақәа рхыркәшара азгәаҭоуп иааиуа ашықәс азы.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
28
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
36
Иара Аҧсны амилаҭтә олимпиатә еилакы аҿы  адныҳәаларақәа идикылон
27
Убри инамаданы имҩаҧган афонд ахаҭарнакцәа злахәыз апресс-конференциа.
45
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК