Бамборатәи абжьаратә школ 120 шықәса ахыҵит .

05.12.2017
672

Бамборатәи абжьаратә школ аҿы аус руеит ҩынҩажәи-жәаҩа ҩык арҵаҩцәа . Ашәышықәса азбжа еиҳаны зыҧсҭазаара аҵара аус иазызкхьоу реиҧш , иҟоуп ааскьа аусура иалагазгьы .Арҵаҩы изаанаҭ алызхыз зегьы ирымоуп еицырзеиҧшу аҟазшьа . Аҭоурых ду змоу ашкол ахь ҳшьапы анеихаҳга нахыс ,бзиа иҳамхабеит,- рҳәоит дара иахлафшәа . Иахьазы Бамборатәи ашкол аҿы аҵара рҵоит фышәи ҧшьынҩажәи жәаа –ҩык аҵаҩцәа . Иара аус ауеит ҩ-мшыҧҵәак рыла. Иҟоуп аҧсуеи аурыси рсекторқәа .Аҧсуа секторқәа рҿы аҵара зҵо рхыҧхьаӡара акырӡа еиҵоуп , аурыс аасҭа . Ашкол раҧхьаӡа акәны ианаадыртыз , зынӡа ҩ-класск ракәын иҟаз , иара иаурыс школын. Бамбора, Урыстәыла архәҭа ахьыҟаз иабзоураны , араҟа ирацәан аурыс ҭаацәарақәа . Убри аҟнытә, ашкол аҿы рҵаҩцәас аус зуаз аруаа рыҳәса ракəын , еиҳаракгьы аҵара зҵозгьы дара рхыҷқәа роуп . Бамборатәи ашкол аҿы жәеиза класс аадыртит зқьи жәшәи хынҩажәи жәаҩа шықәса рзы , иара аҧсуа –аурыс школны иҟарҵеит . Аус зуа арҵаҩцәагьы , аҭыҧантәи аҧсуаа роуп . Ирацәаҩуп ашкол аушьҭымҭацәа , Аҧсны анҭыҵ еиҳау аҵараиурҭақәа ирҭало . Иҟоуп иахьҭоу аҵараиурҭақәа рҟынтәи ашкол адиректор лыхьӡала , аҳаҭыртә граматоқәа анырзаарҭиуагьы , аҵаҩцәа адырра бзиақәа ахьрырҭо азы . Ари еиҳау ҽхәаҧхьыӡ ыҟам ҳара ҳзы ,- рҳәоит арҵаҩцәа.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
7
Абарҭ азҵаарақәа рзы игәаанагарақәа иҳәеит анџьныр , агидротехник Александр Цеховои ажурналистцәа рзы имҩаҧигаз апресс-конференциаҿы .
27
Абри атəы иҳəеит, Аҧсны ааекологиеи аҧсабара ахьчареи рзы аҳәынҭқарратә еилакы аиҳабы Савели Ҷыҭанаа.
Алаҳәарақәеи адныҳәаларақәеи
АГТРК