Ииасуа ашықәсазтәи русура алыҵшәақәа еихыршьаалеит атәыла адәныҟатәи аусбарҭа ахаҭарнакцәа.

26.12.2017
340

Даур Ақаҩба инаҵшьны иазгәеиҭеит, жәларбжьаратәи ахырхарҭа аганахьала женеватәи аиҿцәажәара заҵәык шакәу ҳтәыла аҳәаанхыҵ иахьцәыргоу. Женеватәи аиҧыларақәа рзы ҳауаажәлар рыҩныҵҟа еиуеиҧшым ацәажәарақәа шыҟоугьы, сара уи ҳтәыла алахәра ахәҭаны исыҧхьаӡоит,- иҳәеит адәныҟатәи аусқәа рминистр. Ииасуа ашықәс адәныҟатәи аусқәа рминистрразы хҭысла ибеиан. Ҳара ҳхьыҧшымра азхазҵахьоу аҳәынҭқаррақәеи ҳареи ҳаимадара еиҭарҿыцын,- ҳәа азгәеиҭеит Даур Ақаҩба. Ииасуа ашықәс азы Аҧсны иаҭааит Урыстәылеи, Аахыҵ-Уаҧстәылеи, Приднестровиеи, Науруи рхадацәа. Ари ҳара ҳзы қәҿиара дууп ,- иҳәеит аминистр. Апрессконференциаҿы иазгәаҭан Ааигәа мрагыларатәи ахырхарҭа аганахьала иҟаз аихьӡарақәагьы. Иаҳҳәозар – раҧхьаӡа акәны Аҧснытәи аделегациа аофициалтә визитла Шьамтәылатәи ареспублика аҭаара.Аҽа хырхарҭак аганахь ала - Италиатәи ақалақь Бари аҿы Аҧсны аҳәынҭқарра ахаҭарнакра аартра.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
32
Уи хықəкыс иаман аҧсуа жәлар рмилаҭтә культура, рҟазара, раалыҵ аӡыргара .
17
Аҟаза имшира идырныҳәалеит акыр шықәса аус ицзухьаз иҩызцәа.
Алаҳәарақәеи адныҳәаларақәеи
АГТРК