Аҳәынҭқарратә аҿартә театр аҟны имҩаҧысуеит ашәҟәыҩҩы Анзор Мықәба ипиеса ала иқәыргылоу аҭоурыхтә драма «Қьалышьбеи» аҽазыҟаҵара.

11.01.2018
353

Апиеса «Қьылышьбеи» ҳаамҭазы актуалра амоуп. Аспектакль аҟны иаарҧшу ахҭысқәеи иахьа Аҧсны имҩаҧысуа ахҭысқәеи еиқәҿырҭуеит уҳәар алшоит. Азеижәтәи ашәышықәса алагамҭаз Аҧсны ҩажәижәаба шықәса аҳра зуаз Қьалышьбеи Чачба илагала дууп Аҧсны жәлар реидкылараҿы. Қьалышьбеи Чачба деицырдыруан Кавказ анҭыҵгьы иҟәыҕаз,агәаҕьра ҕәҕәа змаз ҧхьагылаҩны. Иара иаҳра аамҭа иалагӡаны илшеит Аҧсны аамсҭацәа реидкылара, аҳәынҭқарратә мчы арҕәҕәара. Қьалышьбеи Урыстәылеи Ҭырқәтәылеи рыбжьара имҩаҧигоз ихатә политика хықәкыс иаман, Ҭырқәтәыла аҟынтәи Аҧсны ахы ақәиҭтәра. Ари апиеса ҳаамҭазы ақәыргылара ҵакыс иамоуп Аҧсны жәлар реидкылара, избан акәзар, ахьыҧшымра азы ақәҧара аус аҟны аидгылара хымҧадатәиуп. Аҿар ртеатр аҟны Қьалышьбеи ироль наигӡоит актиор Аслан Анқәаб. Иара ҧшьышықәсоуп атеатр аҟны аус иуеижьҭеи, иҳәоит ари ароль зегь реиҳа иуадаҩу, аҭакҧхықәра ду зцу арольқәа ишыруаку.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК