Аҧсны Жәлар Реизараҿы иалацәажәеит иназыцҵоу ахәҧсазы ашәахтә иазку азакуан.

17.01.2018
503

Аҧсны Жәлар реизараҿы иаҧҵоу абиуџьети ашәахтәи акредити рзы аилак ахантәаҩы Натали Смыр дазааҭгылеит, ҳазҭалаз ашықәс иалагӡаны аилак аусураҿы изхәаҧшраны иҟоу азакуан апроектқәа рхыҧхьаӡара шмаҷым. «Иахьатәи ҳаиҧылара азкуп иназыцҵоу ахәҧсазы ашәахтә азакуан апроект аиҭакрақәа алагаларазы иҧсахтәу азҵаарақәа рылацәажәара,»- ҳәа азгәалҭеит аиҧылара аартуа, аилак ахантәаҩы Натали Смырҧҳа. Лара илҳәеит, гәыҧҩык аусдкылаҩцәа ари азакуан аиҭакрақәа алагаларазы Жәлар Реизарахь ааҧхьара шыҟарҵаз атәы . «Иахьа иубаратәы иҟоуп , иназыцҵоу ахәҧсазы ашәахтә азакуан аус шамуа . Ари азакуан апроект арҽеирақәа алагалара иара ахатәы знеишьақәа амоуп урҭ аганқәа зегьы ҭаҳҵаароуп лҳәеит Смыр. Иазгәалҭеит, иара убас, апарламент аҩныҵҟа ишеиҿкаахо акомиссиа. Уи иалало адепутатцәа инарҷыданы ааҧхьара шрыҭатәу аекономикеи, афинансқәеи, ашәахтәқәеи аизгақәеи рминистррақәеи, аҳазалхратә еилакы ахаҭарнакцәеи, иара убас аусдкылаҩцәеи. Ас еиҧш иҟоу акомиссиа иҭнаҵаароуп шықәсқәак раҧхьа иназыҵоу ахәҧсазы ашәахтәазы ирыдкылаз азакуан аус ахьамуз, уи арҽеиразы иҟаҵатәу лҳәеит лара .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК