Аҧсны асоциалтә економикатә ҿиара аҳәаақәа ирҭагӡаны, ҳтәыла аҩныҵҟа зыргылара иаҿу анаплакқәа маҷым.

19.01.2018
1085

Убас , апроектқәа руак аҳәаақәа ирҭагӡаны, Гагра араион Бзыҧҭа аҳабла аҿы идыргылеит ача аалыҵқәа ахьырӡуа аҭыҧ.Гагра араион Бзыҧҭа аҳаблаҿы ари акредитә программа аҳәаақәа ирҭагӡаны, хаҭалатәи аусдкылаҩ Амра Конџьариаҧҳа илыргылеит ача аалыҵқәа ахьырӡуа аҭыҧ, уи инаҷыдангьы илзоужьыз аҧарақәа лхы иархәан илыргылеит афатә ҭиирҭа адәқьан «Зодиак». Иахьазы араҟа аус зуа ауааҧсыра ҩажәанызықь мааҭ инарзынаҧшуа ауалафахәы роулоит . Амра Конџьариаҧҳа лажәақәа рыла , макьана ишахәҭоу еиҧш аусура иаламгац, араҟа ирӡуа ача аалыҵхкқәа еиуеиҧшым, ахәҧсагьы лаҟәуп . Ача аалыҵ ахьҭрыжьуа амыругақәа ракәзар, зхаҭабзиара ҳараку ракәны иҧхьаӡоуп . Амра илҳәоит, ари аус аҿы ишаанымгыло, мышқәак рыла Урыстәылантәи иааргараны ишыҟоу ашьаҳариа злырхуа амыругагьы иахьазы уи аҭыҧ ырмазеины иҟоуп. Амра лажәақәа рыла, араҟа иҭрыжьраны иҟоуп жәа хкык еиуеиҧшым ашьаҳараиа. Аҧсны аекономика аминистр ихаҭыҧуаҩ Заур Гәлиа иазгәеиҭеит, ауааҧсыра ирымоу агәҭакқәа шырацәоу, аха уи ахархәаразы ҧарала ишеиҵахоу. Акредит агаразы абанкқәа ианрыдҵаалоу еиуеиҧшым ауадаҩрақәа шырҧылоу, иаармараианы акредит рыҭара дара рзы ишыцхыраагӡа дуу атәы .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
7
Аҭыжьымҭаҿы: Акурорттә сезон  аихшьаалақәа рзы. Аҧсны  Ахада  дидикылеит акурортқәеи атуризми рзы    аминистр.
9
Борис  Гәыргәылиа ишәҟәы ахҧатәи атоми , иара иҷкәын изку  ашҟәы  «Абзагәи ».
12
Ҟрымтәи асасцәа рныҟәара хацдыркит  Аҟәатәи  ахшаалыҵ зауад ала.  
10
Иара Ахада изеиҭеиҳәеит, ҳазну ашықәс ноиабр акынӡа ареспублика ишаҭааз миллионҩык рҟынӡа аҧсшьаҩцәеи атуристцәеи.
43
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
50
Иара Аҧсны амилаҭтә олимпиатә еилакы аҿы  адныҳәаларақәа идикылон
Алаҳәарақәеи адныҳәаларақәеи
АГТРК