Аиҳабыреи аусдкылаҩцәеи русеицура азҵаарақәа.

22.01.2018
593

Аҧсны Аҧыза- министр ихаҭыҧуаҩ Беслан Ешба ихантәаҩрала имҩаҧысит ашәахтәқәеи, аизгақәеи рзы азакуан аус адулара азы иаҧҵоу аусутә гәыҧ аилатәара. Уи иалахәын атәыла ахада иусбарҭа ахаҭарнакцәа, аминистрцәа, аусдкылаҩцәа. Аиҳабыреи аусдкылаҩцәеи реимадара арҕәҕәаразы ҩнызқьи жәибыжь шықәсазы Аҧсны Ахада иусҧҟала иаҧҵан аусутә гәыҧ. Уи хықәкыс иаман ашәахтәқәеи аизгақәеи рзы азакуан аиҭакрақәа ралагалара. Аекономика аминистр Адгәыр Арӡынба инарҭбааны далацәажәеит ашәахтә система аконцепциа аус адулара шымҩаҧысуа. Уи еихшоуп аетапқәа хҧа рыла. Уахь иаҵанакуеит ашәахтә кодекс аиқәыршәара, ашәахтә еизагара аминистрра аусзуҩцәа рзанааҭтә дырра аизырҳара, аҳасабеилыргара азинтә нормативтә закуанҧҵара апроектқәа рыҟаҵара. Анаҩс, ари апроект апарламент ашҟа анагара. Аминистр иажәақәа рыла, хәышықәса ирылагӡаны арҭ аусурақәа хыркəшахароуп. Аусутә гәыҧ иалахәыз ирҳәон ашәахтә еизагара азҵаараҿы ишахәҭоу иаку азнеишьа. Ари азҵаара ишалацәажәо аекономика аминистрраҿы аусдкылаҩцәа злахәны еиҿкаау аекспертцәа ргәыҧ. Аилатәараҿы убасгьы иалацәажәеит изыцҵоу ахәҧсазы ашәахтә ицәырнагаз апроблемақәа. Аусутә гәыҧ аҿаҧхьа дҵаны ишьҭоуп ҳазҭоу ашықәс азы аусурақәа реиҳарак ахырқәшара.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
Алаҳәарақәеи адныҳәаларақәеи
АГТРК