Аҟәа ақалақь ахадара иҟарҵаз ақәҵара инақәыршәаны, зылшарақәа ҧку ауаа рыцхырааразы асоциалтә еиқәыршәара аусбарҭа ииагахоит ахархәаразы еиҳа иманашәалоу аҭыҧахь

24.01.2018
646

Аҟәа ақалақь ахадара иҟарҵаз ақәҵара инақәыршәан зылшарақәа ҧку ауаа рыцхырааразы, иаараласны Имам Шамиль имҩаду аҿы иҟоу ақалақь асоциалтә еиқәыршәара аусбарҭа ииагахоит ахархәаразы еиҳа иманашәалоу аҭыҧахь . Ус еиҧш аӡбамҭа рыдыркылеит Зылшарақәа ҧку руаажәларратә хеидкыла ахаҭарнакцәа иҟарҵаз аҳәара ала. Иара убасгьы ақалақьтә поликлиникақәа ҩба рҿы иқәыргылахоит Аҧсны аҩныҵҟа зымаха- зышьаха змыхәо ауааҧсыра рнеиааира зырманшәало ахаларҭақәа . Аибашьара ашьҭахьтәи ашықәсқәа рзы Аҟәа ақалақь асоциалтә еиқәыршәара аусбарҭа еиҿкаан Имам Шамиль имҩаду аҟны иҟоу ахыбраҿ. Иҳәатәуп, зымаха зышьаха змыхәо ауааҧсыра рхы иадырхәо акалиаскақәа уахь ихалартә аҭагылазаашьа шаҧҵамыз , уи инаҷыдангьы, абжьаларҭақәа ҭшәан. Аҟәа ақалақь ахадареи зылшарақәа ҧку руаажәларратә хеидкылеи аимадара рыбжьоуп. Ааигәа имҩаҧгаз асеминарқәа рҿы иалацәажәан Аҟәа ақалақь аҩныҵҟа ишыҟам зымаха -зышьаха змыхәо ауааҧсыра рзы иманшәалоу аҭагылазаашьа. Асеминар иалахәыз ражәалагалақәа дрыхәаҧшит Аҟәа ақалақь ахада, уи ашьҭахь иазыӡбан зыда ҧсыхәа ыҟам аҭыҧқәа рҿы зымаха зышьаха змыхәо ауааҧсыра рнеиааиразы аҭагалазаашьақәа раҧҵара . Зегь раҧхьаӡа иӡбатәны иқәгылаз азҵаарақәа ируакхеит, ақалақь асоциалтә еиқәыршәара аусбарҭа ахыбра еиҳа иманшәалоу аҭыҧ ахь аиагара. Аҟәа ақалақь ахада Адгәыр Ҳаразиа иҳәеит, иахьазы ишалху аҭыҧ, мызқәак ирылагӡаны иаҭаху аиҭашьақәыргыларатә усурақәа хыркәшаны ари аусбарҭа уахь ишиагахо. «Ҳара зегьы ибзианы еилаҳкаауеит Зымаха -зышьаха змыхәо ауааҧсыра рзы иҷыдоу аҭагылазаашьа шаҧҵатәу.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
26
Аҭыжьымҭаҿы:Ахырхарҭақәа жәпакы рҟны аусеицуразы еиқәышаҳаҭхеит. Аҧсныи Ҟрыми реиҳабырабжьаратә комиссиақәа актәи реилатәара.
34
Иара Аҧсны амилаҭтә олимпиатә еилакы аҿы  адныҳәаларақәа идикылон
27
Убри инамаданы имҩаҧган афонд ахаҭарнакцәа злахәыз апресс-конференциа.
45
Апроект авторс дамоуп ашәаҳәаҩ, акомпозитор, Хьыбла Мықәҧҳа.
Алаҳәарақәеи адныҳәаларақәеи
АГТРК