Владимир Путин ихраҿа агаразы жәохәтәи Жәларбжьаратәи аҽырыҩрақәа рҟны актәи, аҩбатәи аҭыҧқәа ааныркылеит Аҧсны азы иҩуаз аҽыҩқәа.

12.06.2018
312

Лаҵарамза жәаба рзы Москватәи аипподром аҟны имҩаҧысуаз Урыстәыла ахада Владимир Путин ихраҿа агаразы жәохәтәи жәларбжьаратәи аҽырыҩрақәа рҟны актәи, аҩбатәи аҭыҧқәа ааныркылеит Аҧсны азы иҩуаз аҽыҩқәа. Урыстәылантәи ихынҳәыз ҳреспублика аҽтәы спорт азы афедерациа анапхгара идикылеит Аҧсны ахада Рауль Ҳаџьымба. Аиҧылараҿы Аҧсны ахада Рауль Ҳаџьымба аҽтәы спорт азы афедерациа анапхгара дрыдныҳәало иазгәеиҭеит ас еиҧш иҟоу ақәҿиарақәа ҳтәыла ахьӡ шҭырго. Москватәи аипподром хада аҿы имҩаҧысуаз аҽырыҩрақәа ирылахәын еиуеиҧшым атәылақәа рҟынтәи ҧшьынҩажәи жәаба инареиҳаны аҽыҩқәа. Аҧсны ахьӡ ала иҩуаз, аҧхьахә ҭыҧқәа аанызкылаз аҽқәа Конард Лордыи, Фаст Керлыи аҧшәымацәас ирымоуп Ахра Ашәбеи Васили Толстопиатовыи. Иазгәаҭатәуп, аҽыҩқәа руак Конард Лорд ҩышықәса инеиҧынкылан актәи аҭыҧқәа шааннаакыло. Сынтәа уи аҽыҩ ҩнызқьи ҧшьышә метра адистанциа ҩминуҭкыи ҩажәи жәиҧшь секунд рыла иахысит.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
12
Убри аан аҧсыӡкыҩцәа уи иазышьақәргылоу аҧҟарақәа еиларго еиларымго хылаҧшра азыруеит
Алаҳәарақәеи адныҳәаларақәеи
АГТРК