Избан амшын аҭалара зрыцҳарахаз?. Иарбан ҭыҧқәоу аҧхын аамҭазы аҽыкуабара азин ахьыҟам амшын аҧшаҳәаҿы?

21.06.2018
370

Арыцҳара ҕәҕәа ҟалеит АҞәа Кьалашәыр аӡиас амшын иахьалало. . Ари аҭыҧ аҿы рыҧсҭазаара ҿахҵәеит аӡеибафара иалашәаз ҩыџьа арҧарцәа. Иҟалап Кьалашәыр аӡиас амшын иахьалало аҭыҧ ззымдыруа маҷҩымзар. Араҟа есышықәса ауааҧсыра аӡы иахәаҽуеит. Иара аӡиас акәзар, есааира аӡыршьҭра аҧсахуеит. Аха зегь реиҳа ишәарҭоу Кьалашәыр амшын ианалало аӡы еибафоит. Уи иахҟаны ауп ааигәа зҽызкəабо ауаа аӡы изахәналагалогьы. Убри азы ари аҭыҧ амшын аҭаларазы даарӡа ишәарҭаны иҧхьаӡоуп. Иацы жәаф сааҭ рзеиҧш аҭагылазаашьа ҷыдақәа рминистррахь адырра ҟаҵан ари аҭыҧ аҿы ҩыџьа арҧарцәа аӡы иагеит ҳәа. Рацәак хара имгақәа уахь инеиз аиқәырхаҩцәа аҧшаарақәа ирылагеит. Хә- сааҭк инарзынаҧшуа аӡы аҵаҟа иҧшаауан аӡҭалыҩцәа, аха уи зегьы лыҵшәадахеит. Иахьа ашарҧазы ауп аӡы иашьыз арҧарцәа анырбаз.

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
19
30 шықәса рыҩныҵҟа Платон Бебиа ироман аҧҵаразы аматериалқәа еизигон,хәышықәса аҩра даҿын.
29
Убри инамаданы, Аҧсны Ашәҟәыҩҩцәа реидгыла еиҿнакааит ашәҟәыҩҩы игәаларшәара иазкыз ахәылҧаз.
42
Аҭыжьымҭаҿы:Ианҭаха ашьҭахь 143 медаль «Аиааиразы». Аҧсны Ахада аҳамҭақәа рнапаҿы ириҭеит иҭахаз афырхацәа рҭаацәа.
45
Ари ацәыргакәҵа еизнагеит жәлар рҟазара знапы алаку аҧышәа змоу рыдагьы, иахьа уажәраанӡа зхы ӡырзымгац, аха зус бзиабарала иазнеиуа аҿар.
Алаҳәарақәеи адныҳәаларақәеи
АГТРК