Аҧсны аекологиа аинститут аиҳабы Роман Дбар ажурналистцәа рзы апресс-конференциа мҩаҧигеит .

04.10.2018
122

Роман Дбар ипресс-конференциаҿы, тема хаданы ишьҭыхын адунеи зегь аҿы зҽызыҧсахуа аҳауа ҳтәыла анырра ахьынӡанаҭо, ари проблема дуны ишықәгыло ауааҧсыра зегьы рзы . Аҧсны , аҵыхәтәантәи аамҭазы , иубарҭоуп аҳауа аҧхарра ишацлаз , аҳауатә алышәшәарақәа ракәзар, акырынтә еиҳахо иалагеит . Арҭқәа ирыхҟьаны ҳаҧсабараҿы ицәырҵуа иалагеит , ҳтәыла ақыҭанхамҩа аҧхасҭа ҕәҕәа азҭо ахәаҷақәа рацәаны . Аҧсны , ашыцҵлақәеи , апальмақәеи зфо ахәаҷақәа ирҿагыланы иқәҧоижьҭеи акыр шықәсқәа ҵуеит. Аекологиатә институт имҩаҧнаго аҭҵаарақәеи амониторингқәеи инарықәыршәаны , аусурақәа цоит . Аха иагьа ус акәзаргьы иҟоуп аҭыҧқәа ашыцҵлақәа реиқәырхара ахьзалымшаз .Амармалташьтә пҭы акәзар , абар ҧшьы-шықәсоуп уи анырҵәаразы аусмҩаҧгатәқәа еиҿыркаауеижьҭеи. Роман Дбар иазгәеиҭеит, иарбан методу иаҳа алҵшәа аазырҧшуа адунеи аҿы ишҭырҵаахьоу . Аҧсны имҩаҧырго аметодқәа амармалташьтә пты ахыҧхьаӡара маҷк еиҵанатәит уҳәарц алшоит . Аха урҭ шьаҭанкыла рықәгаразы , аамҭа аҭахыуп . Аҧсабараҿы иҟоуп амармалташьтә пты зфо ахәаҷақәа , аха дара макьана ицәыргам. «.Иара убас Уажәазы , аптқәа адзыҧхьало акартон иалхны акыгақәа аҭуанқәеи , абарҵақәеи рҟны иргылатәуп »-иҳәеит Роман Дбар .

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
20
Апроект авторс дамоуп ашәаҳәаҩ, акомпозитор, Хьыбла Мықәҧҳа.
12
Еиликаауан Урыстәыла аинвестициатә программа аҳәаақәа ирҭагӡаны зыргылара иаҿу актәи абжьаратә школ аҟны аусқәа рцашьа.
25
Убри инадҳәаланы ҳтәыла ашколқәа рҿы имҩаҧысуеит агәыҳалалра иазку аурокқәа.
Алаҳәарақәеи адныҳәаларақәеи
АГТРК