Имҩаҧысит Ауаажәларратә палата аилатәара.

09.02.2016
795

Аилацәажәарахь апалата алахәылацәа иаарҧхьеит  аҧыза-министр ихаҭыҧуаҩ Дмитри Сериков, аекономикатә зҵаатәқәа рзы Аҧсны ахада иабжьгаҩ Амиран Лагәлаа, аекономика аминистр ихаҭыҧуаҩ Ахра Арсҭаа, аекспертцәа, аусдкылаҩцәа.

Аилатәара мзызс иаиуит аусдкылаҩцәа Ауаажәларратә палата ахь Азакәан ҿыц ишахәаҭоу аус ауам ҳәа иҟарҵаз адыррақәа. Иҟоу аҭагылазаашьа аилкааразы аилацәажәарахь ааҧхьара рыҭан атәыла анапхгара рхаҭарнакцәа. Аекономика аминистр ихаҭыҧуаҩ Ахра Арсҭаа  дазааҭгылеит азакәан алагаларазы иҟаз ашьаҭақәа ртәы. Сынтәанӡа ашәахтә ршәон аекономика ахырхарҭақәа зегьы – аимадара, атрансрот, атуризм уҳәа,атәыла анҭыҵынтә атауар аазго  ахәаахәҭыҩцәа рыда. Ахра Арсҭаа иажәақәа рыла, еиҧшу алшарақәа рымазароуп аусдкылаҩцәа зегьы.  «Иназыцҵо ахәҧсазы ашәахтә алагалара атәыла аекономика ашьҭыхразы нап ззырку аиҭакрақәа иреиуоуп, иара убас аҭыҧантәи ааглыхра аҿиара иазҳәоуп», -  иҳәеит иара.
Аҧыза-министр ихаҭыҧуаҩ Дмитри Сериков иазгәеиҭеит амчра зауз азакәан ахықәкы хадақәа. Уаанӡа иҟаз ашәахтә еизгара асистема ала еиҳа ифеидан атауар нырцәынтә иааганы аҭира, аҭыҧан аҭыжьра аасҭа. Уажәы уи аҭагылазаашьа аҽаҧсахит.

Аусдкылаҩцәа рхеидкыла ахантәаҩы Роман Качараа игәаанагарала, иназыцҵо ахәҧсазы ашәахтә азакәан цқьа аус адулам, амчра аҭарагьы заацәоуп ҳәа дахәаҧшуеит. Раҧхьа аиҭакрақәа рылагалатәын егьырҭ аусхкқәа- аҳазалхратә, ашәахтә, иара убас абанктә система, - иҳәеит Роман Качараа.
Адунеизегьтәи акризис аныҟоу аамҭазы, иназыцҵо ахәҧсазы ашәахтә алагалара иашам ҳәа азыиҧхьаӡоит Ауаажәларратә палата алахәыла Низам Ҳапат. Игәаанагарала раҧхьа ицәыргам аекономика алабҿабатәразы  ашьаҿақәа  ҟаҵатәын.

Ауаажәларратә палата аилатәара аилацәажәараан атәыла анапхгара ахаҭарнакцәа ирҳәеит ишырдыруаз иназыцҵоу ашәахтәҧсазы азакәан аҧсахрақәа аналаргалоз уи ауаажəларра ишыргәамҧхоз. Аха ареспублика аекономика аҿиаразы аиҭакрақәа шхымҧадатәиу.

Амра Амҷҧҳа, Саид Агәхаа, АТ

Оцените новость:
+1
+2
+3
+4
+5

Сохраните ссылку или поделитесь с друзьями

Возврат к списку

 
Последние события
16 Февраль 2018
33
Аҭыжьымҭаҿы:Аҟәатәи араионтә еизара адепутатцәа араион ахада икандидатура иадгылеит.
16 Февраль 2018
39
Аспециалистцәа ражәақәа рыла, апальма зфо абжы ҟаҧшь уажәнатә иаанкыламзар, егьырҭ аҭыҧқәа рахь ииасыр алшоит.
16 Февраль 2018
35
Даҽа шәахтәк иалацәажәан Аҧсны аусдкылаҩцәа рассоциациа ахаҭарнакцәеи Жәлар реизара адепутатцәеи, аекономика аминистрреи, абизнес уааи злахәыз астол гьежь аҟны.
15 Февраль 2018
201
14 Февраль 2018
191
Загрузка плеера
Алаҳәарақәеи адныҳәаларақәеи
АГТРК